कम्पनीको भदौ १२ गते बसेको सञ्चालक समिति बैठकले गत आर्थिक बर्षको नाफाबाट शेयरधनीलाई चुक्ता पूँजी ९ करोड २१ लाखको ७०० प्रतिशत नगद अर्थात ६४ करोड ४७ लाख रुपैयाँ लाभांश प्रस्ताव गरेको छ ।
नेपाली पूँजी बजारमा सर्वाधिक महङ्गो सेयरमूल्य रहेको युनिलिभरले नाफा बढेपनि गत आर्थिक बर्षको नाफाबाट लाभांश भने ५७० प्रतिशतले लाभांश घटाएको छ । उच्च शेयरमूल्य रहेको कारण कम्पनीले प्रस्ताव गरेको ७०० प्रतिशत नगद लाभांश दोस्रो बजारमा खरिद गर्ने शेयरमूल्यका आधारमा भने ३ प्रतिशत भन्दा कम हुन आउँछ ।
आर्थिक बर्ष २०७३/७४ मा भने युनिलिभरले २५ औं वार्षिकोत्सव विशेष बोनस १७० रुपैयाँ सहित प्रतिकित्ता १२७० रुपैयाँ नगद लाभांश वितरण गरेको थियो । अघिल्लो आवमा ९६ करोड नाफा कमाएको कम्पनीले गत आर्थिक वर्षमा कम्पनीले ९९ करोड ९४ लाख रुपैयाँ खुद नाफा गरेको थियो ।
अहिले युनिलिभरको प्रतिकित्ता शेयरमूल्य २४ हजार ३०४ रुपैयाँ छ । प्रतिशतका आधारले ७०० प्रतिशत धेरै लाभांश देखिएपनि शेयरमूल्य उच्च रहेकाले दोस्रो बजारबाट शेयर खरिद गर्ने लगानीकर्तालाई भने न्यून मात्रामा मात्र लाभांशका प्राप्त हुने अवस्था छ।
