लघुवित्तले साउन २७ गते देखि भदौ ३१ गते सम्म चुक्ता पूँजीको २५० प्रतिशत अथवा ६ लाख कित्ता हकप्रद बिक्रीमा राखेको थियो । जसमध्ये एक हजार ८५३ आवेदकले ४ लाख ९६ हजार ६४७ कित्ता हकप्रद शेयर मात्र खरिद गरेका छन् ।
बिक्री हुन नसकेको एक लाख तीन हजार ३५३ कित्ता शेयर लघुवित्तले लिलामी गर्नेछ । लघुवित्तले लिलामी शेयरको बोलपत्र निष्काशन मिति तय गर्न बाँकी नै छ । लघुवित्तको बिक्री प्रबन्धक एनएमबि क्यापिटल रहेको छ ।
हाल लघुवित्तको चुक्ता पुँजी २ करोड ४० लाख रुपैयाँ छ । हकप्रद र लिलामी शेयर बिक्री पश्चात लघुवित्तको चुक्ता पुँजी ८ करोड ४० लाख रुपैयाँ पुग्नेछ ।
