फाइनान्सले गत आर्थिक बर्ष २०७४/७५ को नाफाबाट शेयरधनीलाई पाँच प्रतिशत बोनस शेयर र ८.६८ प्रतिशत नगद लाभांश वितरण गर्ने प्रस्ताव गरेको थियो ।
फाइनान्सले कार्तिक २० गते मंगलबार बिहान ९ बजे दरबारथोक बैंक्वेट पोखरा कास्कीमा साधारण सभा डाकेको छ ।
साधारण सभा प्रयोजनको लागि फाइनान्सले कार्तिक १२ गते देखि साधारण सभा सम्पन्न नभएसम्म बुक क्लोज गर्ने जनाएको छ । जस अनुरुप कार्तिक ११ गतेसम्म कायम शेयरधनीले फाइनान्सको लाभांश पाउनेछन् ।
बाइसौं साधारण सभाले शेयरधनीहरुलाई ८१ करोड ६४ लाख रुपैयाँ चुक्ता पूँजीको ५ प्रतिशतले हुने ४ करोड ८ लाख रुपैयाँ बराबरको बोनस तथा ७ करोड ९ लाख रुपैयाँको नगद लाभांश पारित गर्नेछ ।
यस्तै साधारणसभाले गत आर्थिक वर्षको संचालक समितिकोको प्रतिवेदन माथि छलफल गरी पारित गर्ने, लेखा परिक्षण भएको वासलात, नाफा नोक्सान हिसाव, नाफा नोक्सान बाँडफाँट हिसाब इक्वीटिमा भएको परिवर्तन सम्बन्धी छलफल गरी पारित गर्ने तयारी गरेको छ ।
आर्थिक वर्ष २०७५/७६ को लागि लेखा परीक्षकको नियुक्ति र निजको पारिश्रमिक तोक्ने पनि तयारी गरेको छ ।
