कार्तिक ६ गते सम्पन्न २५ औं बार्षिक साधारण सभाले संचालक सदस्यको निर्वाचन गर्न नसकेको हो ।
सर्वसाधारण तर्फको संचालक सदस्यका लागि उम्मेदवारी दिएकाहरुको योग्यता नपुगेको भन्दै कम्पनीले संचालक सदस्य चयन नगरेको हो । कम्पनी संचालक समितिको आगामी बैठकले सर्वसाधारण तर्फको संचालक सदस्य चयन गर्ने युनिलिभरले जनाएको छ ।
कम्पनीले गत आर्थिक बर्षको नाफाबाट शेयरधनीलाई प्रस्ताव गरेको ९ करोड २१ लाख रुपैयाँ चुक्ता पूँजीको ७०० प्रतिशत अर्थात ६४ करोड ४७ लाख रुपैयाँ नगद लाभांश पारित गरेको छ ।
असोज २२ गते बुक क्लोज गरेको कम्पनीको लाभांस असोज २१ गतेसम्म कायम शेयरधनीले मात्र पाउनेछन् ।
प्रतिशतका आधारले ७०० प्रतिशत धेरै लाभांश देखिएपनि शेयरमूल्य उच्च रहेकाले दोस्रो बजारबाट शेयर खरिद गर्ने लगानीकर्तालाई भने न्यून मात्रामा मात्र लाभांश प्राप्त हुने छ । एक कित्ता सेयर बराबर ७ सय रुपैंया लाभांस पाउन लगानीकर्ताले झण्डै ३० हजार रुपैंया लगानी गरेका छन् ।