तीन महिना अवधिमा फाइनान्स कम्पनीले दुई करोड ६७ लाख रुपैयाँ खराब कर्जा असुली गरेपश्चात फाइनान्स एक करोड ७८ लाख रुपैयाँ खुद नाफामा पुगेकाे हो ।
गत बर्ष यसै अवधिमा फाइनान्स एक करोड ९ लाख रुपैयाँ खुद नोक्सानीमा रहेको थियो । समिक्षा अवधिमा गत वर्ष रहेको २.४४ प्रतिशतको खराब कर्जा अनुपातलाई १.९१ प्रतिशतमा झारेको छ ।
२१ करोड रुपैयाँ चुक्ता पूँजी रहेको फाइनान्सले राष्ट्र बैंकले तोकेको चुक्ता पूँजी कायम गर्न भदौ ५ देखि असोज २३ गतेसम्म २८१ प्रतिशत हकप्रद जारी गरेको भएपनि सो पूँजी क्यापिटलमा उल्लेख गरेको छैन । संस्थापकबाट हकप्रद वापत प्राप्त भएको ८ करोड ५५ लाख भने कल इन एडभान्स्डमा उल्लेख गरेको छ ।
यस अवधिमा फाइनान्सले ७० करोड ७५ लाख निक्षेप संकलन गरि ६१ करोड ६ लाख रुपैयाँ कर्जा प्रवाह गरेको छ । ज्यादै सुस्त व्यवसाय विस्तार गरेको फाइनान्सको कर्जा निक्षेप अनुपात ५८.६५ प्रतिशत रहेको छ ।
फाइनान्सकाे हकप्रदअघि प्रतिशेयर अाम्दानी ८ रूपैयाँ ४९ पैसा रहेकाे छ । त्यस्तै प्रतिशेयर नेटवर्थ ११४ रूपैयाँ ७७ पैसा,र मूल्य अाम्दानी अनुपात १२ गुणा बढी रहेकाे छ ।
