स्वदेशी र उन्नति माईक्रोफाइनान्स दुबैले उलेख्य बढाए खुद नाफा

Nov 01, 2018 Merolagani

चालू आर्थिक बर्षको प्रथम त्रैमासमा स्वदेशी लघुवित्त वित्तीय संस्था र उन्नति माइक्रोफाइनान्स दुबैले गत वर्षकाे तुलनामा बढ्दाे लागतकाे बाबजुत खुद नाफामा उत्साहजनक सुधार गरेको वित्तीय विवरण प्रकाशन गरेका छन्। स्वदेशीले खुद नाफामा २१८ .११ प्रतिशत र उन्नतिले  ८७.३८ प्रतिशतकाे बढाेत्तरी गरेका हुन् ।

चालू आवको तीन महिना अवधिमा स्वदेशी लघुवित्त (SDESI) ले ८३ लाख ४७ हजार खुद नाफा आर्जन गरेको छ । 

गत बर्ष यसै अवधिमा लघुवित्तले २६ लाख २४ हजार खुद नाफा कमाएको थियो ।

समिक्षा अवधिमा कम्पनीले ७० करोड ८६ लाख निक्षेप संकलन गरेर दुई अर्ब ४८ करोड ९६ लाख रुपैयाँ कर्जा लगानी गरेको छ । लघुवित्त कम्पनीले निक्षेप ७२ र कर्जा लगानी ५० प्रतिशतले बढाएको हो ।

शतप्रतिशत हकप्रद बिक्री गरिरहेको कम्पनीको हाल चुक्ता पूँजी ११ करोड ५० लाख रहेको छ भने प्रतिशेयर आम्दानी २९ रुपैयाँ ३ पैसा रहेको छ । प्रतिशेयर नेटवर्थ २१८ रुपैयाँ ४ पैसा रहेको लघुवित्तले जगेडा कोषमा १३ करोड ५७ लाख रुपैयाँ सञ्चित गरेको छ ।

खराब कर्जा अनुपात १.६७ प्रतिशतमा सुधार गरेको लघुवित्त कम्पनीको पूँजी कोष अनुपात भने १०.१६ प्रतिशतमा खुम्चिएको छ ।

उता उन्नति माइक्रोफाइनान्स कम्पनी (UMB) ले पनि गत बर्ष रहेको ४५ लाख १० हजारको खुद नाफालाई ८४ लाख ५१ हजार रुपैयाँमा बढाएको छ ।

समिक्षा अवधिमा माइक्रोफाइनान्सले ३८ करोड ६४ लाख निक्षेप संकलन गरेर एक अर्ब १३ करोड ३२ लाख रुपैयाँ कर्जा लगानी गरेको छ । लघुवित्त कम्पनीले निक्षेप १०२ प्रतिशतले र कर्जा लगानी २९ प्रतिशतले बढाएको हो ।

आर्इपिओ पश्चात पाँच करोड ५० लाख रुपैयाँ चुक्ता पूँजी पुगेको कम्पनीको प्रतिशेयर आम्दानी ६१ रुपैयाँ ४६ पैसा रहेको छ । प्रतिशेयर नेटवर्थ १७९ रुपैयाँ २२ पैसा रहेको लघुवित्तले जगेडा कोषमा ४ करोड ३५ लाख रुपैयाँ सञ्चित छ ।

खराब कर्जा अनुपात ०.७४ प्रतिशतमा बढेको लघुवित्त कम्पनीको पूँजी कोष अनुपात भने ८.९८ प्रतिशतमा खुम्चिएको छ ।

यसरी प्रयोग गर्नुहोस डाटा एनालिटिक्स


comments powered by Disqus

दुबईका व्यवसायीलाई नेपालमा लगानी गर्न उपप्रधानमन्त्री पोखरेलकाे आग्रह

Nov 20, 2019 05:39 PM

उपप्रधान तथा रक्षामन्त्री ईश्वर पोखरेलले कानूनी रुपमै लगानी सुरक्षाको प्रत्याभूति गरिएको भन्दै नेपालमा लगानी गर्न संयुक्त अरब इमिरेट् (युएई) का लगानीकर्तालाई आग्रह गरेका छन्। युएईको औपचारिक भ्रमणमा रहेका उपप्रधानमन्त्री पोखरेलसँग दुबई उद्योग वाणिज्य सङ्घका अध्यक्षसंगकाे भेटमा नेपालमा लगानी गर्न आग्रह गरेका हुन्।