लुम्बिनी विकास बैंकको खुद नाफा ६ करोड नाफा
लुम्बिनी विकास बैंकले गत आर्थिक बर्षको प्रथम त्रैमासको तुलनामा यस बर्ष खुद नाफा बढेको वित्तीय विवरण सार्वजनिक गरेको छ । चालू आर्थिक वर्षको पहिलो त्रैमासमा बैंकले गत आर्थिक वर्षको तुलनामा ६ करोड ४९ लाख रुपैयाँले खुद नाफा बढाएको छ ।
गत वर्षको पहिलो त्रैमासमा एक करोड ६१ लाख रुपैयाँ मात्रै नाफा गरेको बैंकले चालू आर्थिक वर्षको पहिलो त्रैमासमा ८ करोड ११ लाख रुपैयाँ नाफा गरेको हो ।
बैंकको चुक्ता पुँजी २ अर्ब १७ करोड रहेको छ भने बैंकको जगेडा कोषमा एक अर्ब २२ करोड रुपैयाँ सञ्चित छ । यस अवधिमा बैंकले २१ अर्ब ८४ करोड रुपैयाँ निक्षेप संकलन गरी २० अर्ब ८ करोड रुपैयाँ बराबरको कर्जा प्रवाह गरेको छ ।
बैंकको खराब कर्जा अनुपात २.८६ प्रतिशत, प्रतिशेयर आम्दानी १४ रुपैयाँ ९३ पैसा र प्रति शेयर नेटवर्थ १५६ रुपैयाँ ४६ रुपैयाँ रहेको छ ।
ज्योति विकास बैंकको नाफामा एक करोड ८१ लाखको सुधार
ज्योति विकास बैंकको खुद नाफा चालू आर्थिक वर्षको पहिलो त्रैमासमा एक करोड ८१ लाख रुपैयाँले बढेको छ ।
गत आर्थिक वर्षको यसै अवधिमा ४ करोड ५२ लाख खुद नाफा कमाएको बैंकले चालू आर्थिक वर्षको पहिलो त्रैमाससम्ममा ६ करोड ३३ लाख रुपैयाँ खुद नाफा गरेको हो ।
चुक्ता पुँजी २ अर्ब ५९ करोड रुपैयाँ रहेको यस बैंकको जगेडा कोषमा ३५ करोड ४ लाख रुपैयाँ सञ्चित छ ।
बैंकले यस अवधिमा २१ अर्ब ४ करोड रुपैयाँ निक्षेप संकलन गरी १७ अर्ब ७७ करोड रुपैयाँको कर्जा लगानी गरेको छ ।
बैंकको खराब कर्जा अनुपात ०.३९ प्रतिशत, प्रतिशेयर आम्दानी ९ रुपैयाँ ८७ पैसा र प्रति शेयर नेटवर्थ ११३ रुपैयाँ ५१ पैसा रहेको छ ।
ज्योतिसँग विलय हुने भएपछि हाम्रो विकास बैंक सुस्तायो
ज्योति विकास बैंकसँग विलय हुन लागेको हाम्रो विकास बैंकको भने खुद नाफा घटेको छ । चालू आर्थिक बर्षको पहिलो त्रैमासमा १४ लाख ८५ हजार रुपैयाँले खुद नाफा घटेको विवरण बैंकले सार्वजनिक गरेको छ ।
बैंकले चालु आर्थिक वर्षको पहिलो त्रैमासमा ८५ लाख ७९ हजार रुपैयाँ मात्रै खुद नाफा गरेको हो । बैंकले अघिल्लो आर्थिक वर्ष यसै अवधिमा १ करोड ६ लाख रुपैयाँ खुद नाफा गरेको थियो ।
४९ करोड २२ लाख रुपैयाँ चुक्ता पूँजी रहेको यस बैंकको जगेडा कोषमा १० करोड १५ लाख रुपैयाँ सञ्चित गरेको छ । बैंकले यस अवधिमा एक अर्ब ७२ करोड ७१ लाख निक्षेप संकलन गरी एक अर्ब ७६ करोड ४७ लाख कर्जा विस्तार गरेको छ ।
यस अवधिमा बैंकको खराब कर्जा घटेको छ । समीक्षा अवधिमा खराब कर्जा ०.४४ प्रतिशतबाट ०.३२ प्रतिशतमा झरेको छ । बैंकको प्रतिशेयर ६ रुपैयाँ ९७ पैसा रहेको छ ।
देवः विकास बैंकको खुद नाफामा ६ लाख रुपैयाँले सुधार
देवः विकास बैंकले चालू आर्थिक वर्षको पहिलो त्रैमासमा ३ करोड २९ लाख रुपैयाँ खुद नाफा गरेको छ । गत आर्थिक वर्षको यहि अवधिको तुलनामा यो ६ लाख रुपैयाँले बढी हो । गत आर्थिक वर्षको यस अवधिमा बैंकले ३ करोड २३ लाख रुपैयाँ खुद नाफा गरेको थियो ।
चुक्ता पूँजी २ अर्ब ५३ करोड रहेको यस बैंकको जगेडा कोषमा ५१ करोड ३८ लाख रुपैयाँ सञ्चित छ ।
यस अवधि सम्ममा १५ अर्ब ८४ करोड रुपैयाँ निक्षेप संकलन र ३२ करोड रुपैयाँ कर्जा सपटी लिएको बैंकले १४ अर्ब ७७ करोड रुपैयाँ कर्जा प्रवाह गरेको छ ।
बैंकको खराब कर्जा अनुपात २.०९ प्रतिशत, प्रतिशेयर आम्दानी ५ रुपैयाँ २१ पैसा र प्रति शेयर नेटवर्थ १२० रुपैयाँ २८ पैसा छ ।
भार्गव विकास बैंकको नाफा झण्डै डेढ करोड
भार्गव विकास बैंकले चालू आर्थिक वर्षको पहिलो त्रैमासमा एक करोड १६ लाख रुपैयाँले खुद नाफा बढाएको छ ।
अघिल्लो आर्थिक वर्षको यहि अवधिमा २९ लाख ८९ हजार रुपैयाँ मात्रै नाफा कमाएको बैंकले एक करोड ४५ लाख रुपैयाँ नाफा गरेको हो ।
५० करोड १६ लाख रुपैयाँ चुक्ता पुँजी रहेको बैंकको जगेडा कोषमा १० करोड ६६ लाख रुपैयाँ सञ्चित छ । यस अवधिमा बैंकले २ अर्ब ९१ करोड रुपैयाँ निक्षेप संकलन गरी २ अर्ब ६५ करोड रुपैयाँ ऋण लगानी गरेको छ ।
बैंकको खराब कर्जा अनुपात ०.१७ प्रतिशत, प्रतिशेयर आम्दानी ११ रुपैयाँ ५८ पैसा र प्रति शेयर नेटवर्थ १२१ रुपैयाँ २६ पैसा रहेको छ ।
काबेली विकास बैंकको खुद नाफा ४७ लाख
काबेली विकास बैंकले पनि चालू आर्थिक बर्षको प्रथम त्रैमासमा आफ्नो खुद नाफामा सुधार गरेको छ । गत बर्षको यसै अववधिको तुलनामा ४४ लाख ४३ हजार रुपैयाँले खुद नाफा बढेको वित्तीय विवरण बैंकले सार्वजनिक गरेको हो ।
चालु आर्थिक वर्षको पहिलो त्रैमासमा ४७ लाख ७३ हजार रुपैयाँ खुद नाफा गरेको छ । गत आर्थिक वर्ष ३ लाख ३९ हजार रुपैयाँ मात्रै नाफा गरेको थियो ।
२१ करोड ५ लाख रुपैयाँ चुक्ता पूँजी रहेको यस बैंकले १२ करोड १९ लाख रुपैयाँ जगेडा कोषमा सञ्चित गरेको छ । यस अवधिमा बैंकले ८८ करोड २३ लाख निक्षेप संकलन गरी ७५ करोड ७९ लाख रुपैयाँ कर्जा प्रवहा गरेको छ ।
बैंकको खराब कर्जा अनुपातमा ४.७५ प्रतिशत, प्रतिशेयर आम्दानी ९ रुपैयाँ ०७ पैसा र प्रति शेयर नेटवर्थ १५७ रुपैयाँ ९० पैसा छ ।
सहयोगी विकास बैंक नोक्सानीबाट नाफामा
चालु आर्थिक वर्षको पहिलो त्रैमासमा सहयोगी विकास बैंकले खुद नाफामा सुधार गरेको छ ।
गत वर्षको पहिलो त्रैमासमा एक करोड एक लाख रुपैयाँ नोक्सानीमा रहेको बैंकले यस अवधिमा एक करोड २८ लाख रुपैयाँ खुद नाफा गरेको छ ।
५० करोड ९६ लाख रुपैयाँ चुक्ता पूँजी रहेको बैंकको जगेडा कोषमा २३ करोड ६६ लाख रुपैयाँ सञ्चित छ । बैंकले यस अवधि सम्ममा ४ अर्ब ३० करोड निक्षेप संकलन गरी ३ अर्ब ३४ करोड रुपैयाँ कर्जा परिचालन गरेको छ ।
बैंकको खराब कर्जा अनुपात १.२३ प्रतिशत, प्रतिशेयर आम्दानी १० रुपैयाँ १२ पैसा र प्रति शेयर नेटवर्थ १४६ रुपैयाँ ४३ पैसा छ ।
कन्काई विकास बैंकको नाफा ५२ हजारले घट्यो
कन्काई विकास बैंकले चालु आर्थिक वर्षको पहिलो त्रैमासमा ३४ लाख १४ हजार रुपैयाँ खुद नाफा गरेको छ । गत आर्थिक वर्षको यहि अवधिको तुलनामा यो रकम ५२ हजार रुपैयाँले कम हो । गत आर्थिक वर्ष ३४ लाख ६६ हजार खुद नाफा आर्जन गरेको थियो ।
चुक्ता पुँजी ५० करोड रुपैयाँ रहेको यस बैंकको जगेडा कोषमा ९ करोड २० लाख रुपैयाँ सञ्चित छ । बैंकले यस अवधि सम्ममा एक अर्ब ८१ करोड रुपैयाँ निक्षेप संकलन गरी १ अर्ब ७५ करोड रुपैयाँ कर्जा प्रवाह गरेको छ ।
बैंकको खराब कर्जा अनुपात बढेको छ । गत आर्थिक वर्ष १.२८ रहेको खराब कर्जा १.९० प्रतिशत रहेको छ । बैंकको प्रतिशेयर आम्दानी २ रुपैयाँ ७३ पैसा र प्रतिशेयर नेटवर्थ ११८ रुपैयाँ ४२ पैसा छ ।