फाइनान्सले खुद ब्याज आम्दानी र अन्य सञ्चालन आम्दानीमा बढोत्तरी गरेपछि नाफा वृद्धिमा सहयोग पुगेको हो ।
असोज मसान्तसम्ममा फाइनान्सले ४ अर्ब ७७ करोड ७० लाख रुपैयाँ संकलन गरेको छ भने ४ अर्ब ४० करोड ७० लाख रुपैयाँ कर्जा परिचालन गरेको छ । फाईनान्सले निक्षेप २५.६० र कर्जा लगानी २४.९५ प्रतिशतले बढाएको छ ।
समीक्षा अवधिसम्ममा फाइनान्सले ५ करोड ६१ लाख रुपैयाँ खुद ब्याज आम्दानी गरेकाे छ । यो गत वर्षको तुलनामा दुई करोड ८३ लाख रुपैयाँले धेरै हो । समीक्षा अवधिमा फाइनान्सले खुद ब्याज आम्दानी दोब्बर बनाएको छ ।
चुक्ता पूँजी ८१ करोड ६४ लाख ५० हजार रुपैयाँ रहेको फाइनान्सको जगेडा कोषमा ३७ करोड ९७ लाख रुपैयाँ सञ्चित छ ।
फाइनान्समा खराब कर्जा अनुपात १.१९ प्रतिशत रहेको छ । खराब कर्जा अनुपात घटेपनि फाइनान्सको कर्जा नोक्सानी व्यवस्था भने १२ लाखबाट ५८ लाखमा बढको छ ।
वार्षिक प्रतिशेयर आम्दानी ९ रुपैयाँ २४ पैसा रहेको र प्रतिशेयर नेटवर्थ १४६ रुपैयाँ ५२ पैसा रहेको फाइनान्सको मूल्य अम्दानी अनुपात १६.६७ गुणा बढी रहेको छ ।