साधारण सेयर निष्काशनको प्रकृयामा रहेको लघुवित्तले चुक्ता पूँजी, जगेडा कोष, निक्षेप संकलन र कर्जा प्रवाहमा पनि सुधार गरेको छ ।
कम्पनीले ७ करोड चुक्ता पूँजी दोब्बर बढाएर १४ करोड रुपैयाँ पुर्याएको छ । एक करोड ४८ लाख रुपैयाँले ऋणात्मक रहेको जगेडा कोष अहिले २७ लाख ५४ हजार रुपैयाँले धनात्मक बनेको छ ।
यस अवधिमा लघुवित्तले ९९ करोड ५७ लाख रुपैयाँ सापटी लिएर उक्त रकमलाई कर्जा परिचालन गरेको छ । साथै ३० करोड रुपैयाँ निक्षेप संकलन गरेर उक्त रकमलाई पनि कर्जा परिचालन गरी आम्दानी बढाएको हो । यस क्रममा लघुवित्तले १ अर्ब ४० करोड रुपैयाँ कर्जा परिचालन गरेको छ ।
लघुवित्तको खराब कर्जा अनुपात भने बढेको छ । गत बर्ष ०.०३ प्रतिशत रहेको खराब कर्जा अनुपात १.२७ प्रतिशतमा उक्लिएको छ । लघुवित्तले ६ लाख कित्ता आइपिओ निष्काशनको लागि धितोपत्र बोर्डमा आबेदन दिएको छ ।
उता सबैको लघुवित्तले चालू आर्थिक वर्षको पहिलो त्रैमासमा ४१ लाख ६० हजार रुपैयाँ खुद नाफा कमाएको छ। गत आर्थिक वर्षको पहिलो त्रैमासमा २५ लाख ९४ हजार नोक्सानीमा थियो ।
चुक्ता पूँजी ११ करोड २० लाख रुपैयाँ रहेको यस वित्तीय संस्थाको जगेडा कोषमा ५२ लाख ७९ हजार रुपैयाँ सञ्चित छ ।