नेपालगञ्जमा आयोगको नवनिर्मित भवन उद्घाटन गर्दै घिमिरेले भ्रष्टाचार न्यूनीकरण गर्न नागरिक समाज, सञ्चार क्षेत्र र सरोकारवाला सबै निकायसँग सहयोगको आग्रह समेत गरे ।
विकास निर्माणका आयोजना तथा सेवा प्रवाहमा हुने ढिलासुस्ती र अनियमितता कुनै पनि हालतमा सहन नहुने प्रमुख आयुक्त घिमिरेले बताए ।
उनले आफ्नो जिम्मेवारीमा रहेका विकास निर्माणका कार्य समयमै सम्पन्न नगर्ने र गुणस्तरहीन सामग्रीको प्रयोग गर्नेलाई आयोगले कारबाही गर्न कुनै कसर बाँकी नराख्ने चेतावनी दिए ।
प्रमुख आयुक्त घिमेरेले राष्ट्रिय गौरवका आयोजनाहरूमा आयोगले विशेष निगरानी राखेको समेत जानकारी दिए ।
