लघुवित्तले असोज २३ गतेदेखि ११ करोड ५० लाख रुपैयाँको ११ लाख ५० हजार कित्ता हकप्रद निष्काशन गरेको थियो ।
यस हकप्रदमा भदौ २४ गतेसम्म कायम रहेका शेयरधनीले आवेदन गर्न सक्नेछन् । लघुवित्तको सेयर बिक्री प्रबन्धक एनआईसी एशिया क्यापिटल रहेको छ ।
हकप्रदमा स्वदेशी लघुवित्तको कायार्लय इटहरी र सम्पूर्ण शाखा कायार्लयहरू, बिक्री प्रबन्धक एनआईसी एशिया क्यापिटल बबरमहल, तथा धितोपत्र बोर्डबाट सि(आश्वा अनुमति प्राप्त सम्पूर्ण बैंक तथा वित्तीय संस्था र तिनका शाखा कार्यालय मार्फत आवेदन गर्न सकिनेछ ।
लघुवित्तको हाल कायम चुक्ता पूँजी ११ करोड ५० लाख रहेको छ । शतप्रतिशत हकप्रद पश्चात स्वदेशीको चुक्ता पूँजी २३ करोड रुपैयाँ पुग्नेछ ।
कम्पनीले गत आर्थिक बर्षको नाफाबाट हकप्रद पश्चात कायम हुने चुक्ता पूँजी २३ करोड रुपैयाँको १० प्रतिशत नगद लाभांश प्रस्ताव गरेपनि पछि सो लाभांश रद्ध गरेको थियो ।
गत आर्थिक वर्षमा स्वदेशीले ३ करोड ७७ लाख खुद नाफा आर्जन गरेर प्रतिशेयर आम्दानी ३२ रूपैयाँ ८ पैसा कायम गरेको छ । कम्पनीको सेयरमूल्य आइतबार प्रतिकित्ता ६८१ रूपैयाँमा कारोबार भएको छ ।