लघुवित्तले वित्तीय विबरणमा ६६ रुपैंया ३९ पैसा प्रतिशेयर आम्दानी देखाएको छ ।
जबकी लघुवित्तको चालु आर्थिक वर्षको पहिलो त्रैमासको खुद नाफालाई कुल शेयर संख्याले भाग गर्दा आउने प्रतिशेयर आम्दानी ६२ रुपैंया ४६ पैसा मात्र हुन आउँछ ।
लघुवित्तको वित्तीय विबरणमा उल्लेख भए अनुसार गत असोजको खुद नाफा १५ करोड ६१ लाख ६२ हजार रुपैंया छ । चुक्ता पूँजी १ अर्ब रुपैंया रहेको लघुवित्तले किन प्रतिशेयर आम्दानी ६२ रुपैंया ४६ पैसा नभएर ६६ रुपैंया ३९ पैसा देखायो भन्ने प्रश्न आम लगानीकर्तामा उब्जिएको छ ।
गत आर्थिक वर्षको पहिलो त्रैमासमा लघुवित्तको प्रतिशेयर आम्दानी ३८ रुपैंया ६८ पैसा थियो । यस आधारमा हेर्दा लघुवित्तको प्रतिशेयर आम्दानी २३ रुपैंया ७८ पैसाले बढेको हो । तर वित्तीय बिवरणलाई आधार मान्ने हो भने उसको प्रतिशेयर आम्दानी २७ रुपैंया ७१ पैसाले बढेको छ । यो तथ्यले लघुवित्तको प्रतिशेयर आम्दानीमा ३ रुपैंया ९३ पैसाको कैफियत देखिएको छ ।
लघुवित्तले चालु आर्थिक बर्षको पहिलो त्रैमासमा १५ करोड ६१ लाख खुद नाफा आर्जन गरेको छ । गत बर्षको तुलनामा लघुवित्तको खुद नाफा ७ करोड ५४ लाख रुपैंयाले बढी हो । गत बर्ष यसै अवधिमा लघुवित्तले ८ करोड ६ लाख रुपैंया खुद नाफा आर्जन गरेको थियो ।
वृद्धिका आधारमा हेर्दा लघुवित्तको खुद नाफा झण्डै दोब्बरले बढेको हो । समीक्षा अवधिमा ८३ करोड ४० लाख रुपैंयाको चुक्ता पूँजीलाई १ अर्ब रुपैंया पुर्याएको लघुवित्तको खुद नाफा धेरै बढे पछि प्रतिशेयर आम्दानी बढेको हो ।
व्यवशायको आकार बढेका कारण खुद ब्याज आम्दानी बढ्दा लघुवित्तको खुद नाफामा बढोत्तरी देखिएको हो । लघुवित्तले चालु आर्थिक बर्षको पहिलो त्रैमासमा ३९ करोड ३७ लाख रुपैयाँ खुद ब्याज आम्दानी गरेको छ । यो गत बर्षको यसै अवधिको तुलनामा १० करोड ७७ लाख रुपैयाँले बढी हो । गत बर्ष लघुवित्तले २८ करोड ५९ लाख रुपैयाँ खुद आम्दानी गरेको थियो ।
लघुवित्तले १२ अर्ब ५३ करोड निक्षेप संकलन तथा ४ अर्ब ६० करोड सापटी लिएर १७ अर्ब २९ करोड रुपैयाँ कर्जा परिचालन गरेको छ ।
लघुवित्तको जगेडा कोषमा १ अर्ब ३२ करोड रुपैयाँ सञ्चित छ । लघुवित्तको निष्क्रिय कर्जा अनुपात ०.१६ प्रतिशत छ । प्रतिशेयर नेटवर्थ २१७ रुपैयाँ ९ पैसा रहेको लघुवित्तको मूल्य आम्दानी अनुपात १३.२१ गुणा बढी छ ।
