कम्पनीले चालू आर्थिक बर्षको पहिलो त्रैमासमा ६ करोड ४५ लाख रूपैयाँ खुद नाफा आर्जन गरेको छ । कम्पनीले गत बर्ष १ करोड ५६ लाख ६६ हजार रुपैयाँ खुद नाफा आर्जन गरेको थियो ।
प्रथम त्रैमासमा कम्पनीको व्यापारमा लाग्ने खर्च घट्दा खुद नाफा बढ्न टेवा पुगेको छ । गत वर्ष ४ करोड ७९ लाख ५४ हजार रुपैयाँ कम्पनीको व्यापार खर्च थियो तर अहिले उक्त शीर्षकको खर्च २ करोड ८८ लाख ६३ हजारमा सीमित छ ।
कम्पनीको अन्य सञ्चालन आम्दानीमा पनि उच्च वृद्धि भएको छ । अघिल्लो आर्थिक वर्षमा १६ लाख ११ हजार रहेको उक्त आम्दानी पहिलो त्रैमासमा २ करोड ६९ लाख ८९ हजार पुगेको छ ।
त्यस्तै वस्तु विक्री वितरण खर्च पनि झण्डै २ करोडले घटेको छ भने गत वर्ष भन्दा कम्पनीको कार्यालय खर्चमा भने केही वृद्धि भएको छ ।
कम्पनीसँग १ अर्ब ४७ करोड रुपैयाँ अचल दायित्व तथा ३५ करोड ६३ लाख लाख चालू दायित्व रहेको देखिन्छ ।
३८ करोड ५६ लाख ४५ हजार पाँच सय रुपैयाँ चुक्ता पूँजी रहेको कम्पनीको प्रतिसेयर आम्दानी बार्षिक ६६ रुपैयाँ ९९पैसा रहेको छ । कम्पनीको मूल्य आम्दानी अनुपात ८६.८२ गुणा धेरै रहेको छ ।
