अख्तियार र संसदका बिभिन्न समिति लगायतबाट छानबिन प्रक्रिया जारी रहेको र उक्त छानबिनलाई मन्त्रालयले सघाई रहेको भन्दै मन्त्री अधिकारीले छानबिन नतिजा कुर्न आग्रह गरे ।
बुधबार राजधानीमा आयोजित एक कार्यक्रममा बोल्दै मन्त्री अधिकारीले प्रोपागाण्डाका भरमा निगमको बदनाम गर्ने काम भएकोमा असन्तुष्टी व्यक्त गरे ।
आफू मन्त्री हुंदा विमान खरिद प्रकरणका सबै प्रक्रिया सकिई सकेको भन्दै मन्त्री अधिकारीले व्यक्तिगत रुपमा मन्त्री र सरकारलाई मुछ्ने काम भएको टिप्पणी गरे ।
मन्त्री अधिकारीले विगतमा भएको प्रक्रियाबारे अध्ययन अनुसन्धान भइरहेको र त्यसलाई मन्त्रालयले पूर्ण रुपमा सघाई रहेको बताए ।
आजको दिनसम्म वाईड बडीको भ्रष्टाचारबारे कुनै तथ्य नभेटिएको भन्दै मन्त्री अधिकारीले भने विमान खरिद प्रक्रियामा दोषी पाईए जो कसैलाई एक एक रुपैयाँका दरले सोधभर्ना गराएर कडा कारबाही गर्ने ठोकुवा गरे ।
नेपाल भ्रमण वर्ष सन् २०२० सम्पन्न पार्न विमान सेवाले महत्वपूर्ण भूमिका खेलिरहेको र विवादका बाबजुत वाईड बडी पूर्ण रुपमा सञ्चालन गर्न मन्त्रालय लागि परेको मन्त्री अधिकारी भनाई थियो ।
नेपाल वायुसेवा निगमको स्तरोन्नती गर्न कम्पनी मोडलमा जानेबारे छिट्टै निर्णय हुने अधिकारीको भनाई थियो ।
यसका लागि निगमलाई कम्पनीको संरचनामा वा रणनीतिक साझेदारी मोडलमा रुपान्तरण गर्नु पर्ने आवश्यकता रहेको मन्त्री अधिकारीले औंल्याए ।
आगामी चैत देखि जापानको ओसाका तथा वैशाख देखि चीनमा वाईड बडीले सेवा सुरु गर्ने अधिकारीको भनाई थियो ।।
