लघुवित्तको सञ्चालक समिति बैठकले ३० प्रतिशत बोनस तथा कर प्रयोजनका लागि २५ लाख २६ हजार ३१५ रूपैयाँ नगद लाभांश वितरण गर्ने प्रस्ताव गरेको हो ।
नाडेपको खुद नाफा भने गत अार्थिक वर्ष ३२.७३ प्रतिशतले घटेको थियो । अघिल्लो आवमा सात करोड दुर्इं लाख कमाएको लघुवित्तले ०७४/७५ मा ४ करोड ७२ लाख मात्र खुद नाफा आर्जन गरेको थियो ।
गत असारमा ४ लाख ८० हजार कित्ता साधारण शेयर निष्काशन गरेकाे नाडेप लघुवित्तले मंसिर २३ गते देखि पुस २९ गतेसम्म चुक्ता पूँजीको शतप्रतिशत अर्थात १६ लाख कित्ता हकप्रद हकप्रद शेयर बिक्री गर्न लागेको छ। मंसिर ६ गतेसम्म कायम शेयरधनीले मात्र हकप्रद खरिद गर्न सक्नेछन् ।
१६ कराेड रूपैयाँ पूँजी रहेकाे लघुवित्तले चालू आर्थिक वर्षको प्रथम त्रैमासमा एक करोड ३९ लाख रुपैयाँ खुद नाफा आर्जन गरेर प्रतिशेयर आम्दानी ३४ रुपैयाँ ७७ पैसा कायम गरेको छ । ४ कराेड ८० लाख रूपैयाँ बाेनस शेयर र १६ कराेडकाे हकप्रद पश्चात कम्पनीकाे चुक्त्ता पूँजी ३६ कराेड ८० लाख रूपैयाँ पुग्नेछ ।
