एभरेष्ट इन्स्योरेन्सको संस्थापक हकप्रद खुल्यो, कार्तिक २६ सम्म कायम शेयरधनीले पाउने

Dec 02, 2018 Merolagani

एभरेष्ट इन्स्योरेन्स (EIC) ले मंसिर १६ गते (अाज) देखि एक कित्ता बराबर १.०५ कित्ताको अनुपातमा संस्थापक हकप्रदमा आवेदन खुला गरेको छ। कम्पनीले १४ लाख तीन हजार ३२५ कित्ता हकप्रद शेयर बिक्रीमा ल्याएकाे हाे ।

अहिले निष्काशन गरिएको सबै शेयर संस्थापक शेयर कायम हुनेछ । यस शेयरमा कार्तिक २६ गतेसम्म कायम रहेका शेयरधनीले आवेदन गर्न सक्नेछन् ।

यसअघि शतप्रतिशत (सबै) सर्वसाधारण शेयरधनी रहेको यस इन्स्योन्सले संस्थापक शेयर बिक्री गर्न लागेको हो । 

एभरेष्ट इन्स्योरेन्सलाई संस्थापकको हिस्सा ५१ प्रतिशत बनाउन यसअघि बीमा समितिले दिएको निर्देशन अनुसार उसले संस्थापक हकप्रद निष्काशन गरेको हो ।

हकप्रद आवेदनको लागि एभरेष्ट इन्स्योरेन्सका शाखा कार्यालय, सिद्धार्थ क्यापिटल नक्साल र धितोपत्र बोर्डबाट सि आस्वा अनुमति प्राप्त बैंक तथा वित्तीय संस्थाहरुबाट ७७ जिल्लाबाटै आवेदन गर्न सकिनेछ । यसका अतिरिक्त मेरो शेयर प्रयोगकर्ताले इन्टरनेटको प्रयोग गरेर घरबाटै पनि आवेदन दिन सक्नेछन् । हकप्रद शेयरमा आवेदन गर्ने अन्तिम दिन पुस २२ गतेसम्म रहेको छ ।

हकप्रद बिक्री पश्चात कम्पनीमा संस्थापक शेयरधनीको स्वामित्व ५१.२२ प्रतिशत र सर्वसाधारणतर्फ ४८.७८ प्रतिशत कायम हुनेछ भने चुक्ता पूँजी २७ करोड ३९ लाख रुपैयाँ पुग्नेछ।

संस्थापक हकप्रद निष्काशन पश्चात कायम हुने चुक्ता पूँजीको कम्पनीले फेरि ३०० प्रतिशत हकप्रद जारी गरेर बीमा समितिले तोकेको न्यूनतम एक अर्ब चुक्ता पूँजी कायम गर्ने प्रकृयामा कम्पनीमा रहेको छ ।

एभरेष्ट इन्स्योरेन्सले चालु आर्थिक वर्षको पहिलो त्रैमासमा ४६ लाख १४ हजार रुपैयाँ खुद नाफा गरेको छ । गत वर्षको सोहि अवधिमा ४४ लाख ८५ हजार खुद नाफा गरेको थियो ।

इन्स्योरेन्सले यस अवधिमा ७ करोड ३८ लाख रुपैयाँले खुद बीमा शुल्क बढाएर ९ करोड ८८ लाख रुपैयाँ आर्जन गरेको छ ।

कम्पनीको जगेडा कोषमा ११ करोड सात लाख रुपैयाँ , बीमा कोषमा १९ करोड ६८ लाख रुपैयाँ संचित छ । इन्स्योरेन्स कम्पनीको प्रतिशेयर आम्दानी ३ रुपैयाँ ४५ पैसा छ ।कम्पनीको प्रतिकित्ता शेयरमूल्य ७७५ रुपैयाँ रहेको छ ।

comments powered by Disqus

BREAKING : रसुवागढी र सान्जेन जलविद्युतको आइपिओ भर्ने अवधि थपियो, कहिलेसम्म गर्न पाइन्छ आवेदन ?

Apr 23, 2019

रसुवागढी र सान्जेन जलविद्युत आयोजनाको साधारण शेयरमा आवेदन गर्ने समय थप गर्न धितोपत्र बोर्डले शेयर निष्काशन तथा बिक्री प्रबन्धकहकरुलाई निर्देशन दिएको छ । बोर्डमा लगानीकर्ताहरुले सिडिएससीको मेरो शेयरबाट शेयर आवेदन गर्न नसकेको भनी गरेको गुनासोका आधारमा धितोपत्र बोर्डले यस्तो निर्देशन दिएको हो ।