रिलायन्स लाइफ व्यवसाय विस्तारमा आक्रमक, एकैपटक ८ शाखा विस्तार

Dec 05, 2018 Merolagani

रिलायन्स लाइफ इन्स्योरेन्स (RLIL) ले व्यवसाय विस्तारलाई तिब्रता दिन एकैपटक ८ वटा शाखा कार्यालय विस्तार गरेको छ। कम्पनीले नुवाकोट, धादिङ्ग, बेसीशहर, लेखनाथ, पोखरा, लम्जुङ्ग, बेनी, कुस्मा गरी ८ वटा शाखाहरुको समुद्घाटन सम्पन्न गरेको छ ।

सबै शाखाहरुको समुद्घाटन कम्पनीका नायब कार्यकारी अधिकृत निराजन कँडेलका साथमा नुवाकोट शाखाको उद्योग वाणिज्य महासंघ नुवाकोटका अध्यक्ष तारा बहादुर कार्की, धादिङ शाखाको जिल्ला समन्वय समिति धादिङका प्रमुख जगन्नाथ नेपाल, बेसीशहर शाखाको लम्जुङ्ग उद्योग वाणिज्य महासंघका अध्यक्ष राजेश थापाले उद्घाटन गरेका छन् । 

त्यसैगरि लेखनाथ शाखाको गण्डकी प्रदेशसभाका सदस्य माननीय मान बहादुर गुरुङ, पोखरा शाखाको जिल्ला समन्वय समिति कास्कीका प्रमुख बैन वहादुर क्षेत्री, लम्जुङ्ग शाखाको उद्योग वाणिज्य महासंघका कार्यकारी समिति सदस्य निर्माण कुमार श्रेष्ठ, बेनी शाखाको म्याग्दी क्षेत्र नं १ का प्रतिनिधिसभा सदस्य माननीय भुपेन्द्र बहादुर थापा र कुस्मा शाखाको पर्वत उद्योग वाणिज्य महासंघका अध्यक्ष केदारनाथ शर्माले उद्घाटन गरेका हुन् ।

समुद्घाटन समारोहमा कम्पनीका पदाधिकारी र स्थानिय बासिन्दाहरुको समेत उपस्थिति रहेको थियो ।

comments powered by Disqus

सिद्धार्थ बैंकको व्यवसायको आकार खर्ब नाघ्दा खुद नाफा साढे एक अर्ब बढी

Apr 25, 2019

- नाफा बढेपनि बढेन लाभांश क्षमता।
सिद्धार्थ बैंक (SBL) को व्यवसायको आकार खर्ब माथि पुगेको छ। चालू आर्थिक वर्षको तेस्रो त्रैमासिक वित्तीय विवरण अनु्सार बैंकको निक्षेप संकलन र कर्जा परिचालनको आकार एक खर्ब माथि नाघ्दा खुद नाफामा पनि १५ प्रतिशतको वृद्धि सहितको विवरण बिहीबार सार्वजनिक गरेको छ।