कालिका लघुवित्तले घटाएर गर्याे लाभांश प्रस्ताव

Dec 06, 2018 Merolagani

कालिका लघुवित्त वित्तीय संस्था (KMCDB) ले गत आर्थिक वर्षको नाफाबाट शेयरधनीलाई अघिल्लाे अार्थिक वर्षकाे भन्दा १३.९१ प्रतिशत कम लाभांश प्रस्ताव गरेकाे छ। अघिल्लाे वर्ष कूल २२.३३ प्रतिशत लाभांश वितरण गरेकाे लघुवित्तले गत अावकाे नाफाबाट ८.४२ प्रतिशत मात्र लाभांश वितरण गर्ने  प्रस्ताव गरेकाे हाे ।

मंसिर १९ गते बुधबार ३ बजे बसेकाे लघुवित्तको १६२ अाैं सञ्चालक समिति बैठकले  अार्थिक वर्ष २०७४/७५ काे नाफाबाट शेयरधनीलार्इ चुक्ता पूँजीको ८ प्रतिशत बोनस र बोनसमा लाग्ने कर प्रयोजनकाे ०.४२ प्रतिशत नगद गरि कूल ८.४२ प्रतिशत लाभांश प्रस्ताव गरेको हो ।

अघिल्लाे वर्ष लघुवित्तले २१.२१ प्रतिशत बोनस र बोनसमा लाग्ने कर प्रयोजनका लागि १.१२ प्रतिशत नगद गरि कूल २२.३३ प्रतिशत लाभांश वितरण गरेकाे थियाे।

प्रस्तावित लाभांश नेपाल राष्ट्र बैंकबाट स्वीकृत तथा लघुवित्तको आगामी साधारण सभाले अनुमोदन गरेपछि मात्र शेयरधनीले पाउनेछन् ।

 

 

 

लघुवित्तले गत असार मसान्तसम्ममा अघिल्लो वर्षको तुलनामा १६.२६ प्रतिशत बढी २ करोड ५९ लाख रुपैयाँ खुद नाफा गरेको थियो । नाफा बढेपनि लघुवित्तले  लाभांश भने भारी घटाएकाे हाे । हाल १० करोड रुपैयाँ चुक्ता पूँजी रहेको लघुवित्तको प्रस्तावित बोनस शेयर पूँजीकरण पश्चात १० करोड ८० लाख रुपैयाँ चुक्ता पूँजी पुग्नेछ।

कम्पनीले चालू आर्थिक वर्षको प्रथम त्रैमासिक अवधिमा भने १२ लाख ४२ हजार रुपैयाँ खुद नाफा कमाएर प्रतिशेयर आम्दानी ४ रुपैयाँ ९७ पैसा कायम गरेको छ ।

यसअघिकाे लाभांश विवरणमा अन्यथा पर्न गएकाेले सच्चाइएकाे छ ।

comments powered by Disqus

BREAKING : रसुवागढी र सान्जेन जलविद्युतको आइपिओ भर्ने अवधि थपियो, कहिलेसम्म गर्न पाइन्छ आवेदन ?

Apr 23, 2019

रसुवागढी र सान्जेन जलविद्युत आयोजनाको साधारण शेयरमा आवेदन गर्ने समय थप गर्न धितोपत्र बोर्डले शेयर निष्काशन तथा बिक्री प्रबन्धकहकरुलाई निर्देशन दिएको छ । बोर्डमा लगानीकर्ताहरुले सिडिएससीको मेरो शेयरबाट शेयर आवेदन गर्न नसकेको भनी गरेको गुनासोका आधारमा धितोपत्र बोर्डले यस्तो निर्देशन दिएको हो ।