होटलले १० प्रतिशत बोनस शेयर तथा १६.३१ प्रतिशत नगद गरी कूल २६.३१ प्रतिशत लाभांश वितरण र साधारण सभा प्रयोजनका लागि मंसिर २६ गतेदेखि शेयरधनी दर्ता पुस्तिका बन्द गर्ने निर्णय गरेको छ ।
यसअनुसार मंगलबारसम्म कायम रहने शेयरधनीले उक्त नगद लाभांश पाउनेछन् ।
होटलको कार्तिक २९ गते सम्पन्न सञ्चालक समिति २२० औं बैठकले पुस २६ गते नेपाल प्रज्ञाभवन प्रेक्षालय कमलादीमा बिहान ११ बजे आह्वान गर्ने ४४ औं वार्षिक साधारण सभा आह्वान गरेको छ ।
होटलको हाल चुक्ता पूँजी ६६ करोड ६० लाख ६३ हजार ७४० रुपैयाँ छ । प्रस्तावित १० प्रतिशत बोनस सेयर वितरणपछि उक्त पूँजी ७३ करोड २६ लाख ७० हजार ११४ रुपैयाँ पुग्नेछ ।
चालु आर्थिक वर्षको पहिलो त्रैमासमा होटलले ५ करोड ८१ लाख रुपैयाँ खुद नाफा गरेको छ। होटलले गत आर्थिक वर्षको यसै अवधिको तुलनामा ५ करोड ४३ लाख रुपैयाँले बढी खुद नाफा कमाएको हो । होटलको तिशेयर आम्दानी ८७ पैसा र जगेडा कोषमा कोषमा ८३ करोड रुपैयाँ सञ्चित छ ।
साथै होटलले पेन्डिङ्ग डिम्याट भेरिफिकेशन गर्न बाँकी रहेका शेयरको डिआरएन पत्र यथाशिध्र कम्पनीको कार्यालयमा उपलब्ध गराइदिन अनुरोध समेत गरेको छ ।