कम्पनीले गत आर्थिक बर्षको मुनाफाबाट आफ्ना लगानीकर्ताहरुलाई प्रस्ताव गरेको २० प्रतिशत लाभांश वितरण गर्न बीसौँ वार्षिक साधारण सभा आह्वान गरेको छ ।
लघुवित्तले चुक्ता पूँजी ७२ करोड ६७ लाख २६ हजार रुपैयाँको १० प्रतिशतले हुन आउने ७ करोड २६ लाख ७२ हजार ६०० रुपैयाँ बराबरको बोनश शेयर र १० प्रतिशतले हुन आउने ७ करोड २६ लाख ७२ हजार ६०० रुपैयाँ नगद लाभांश वितरण गर्ने भएको छ ।
कम्पनीको पुस २० गते शुक्रबार बिहान ११ बजे युनाइटेड वल्र्ड ट्रेड सेन्टर, त्रिपुरेश्वर, काठमाडौँमा वार्षिक साधारण सभा डाकेको छ ।
हाल लघुवित्तको चुक्ता पूँजी ७९ करोड ९३ लाख ९८ हजार रुपैयाँ छ । बोनस पश्चात लघुवित्तको चुक्ता पूँजी ८७ करोड ९३ लाख ३७ हजार नाघ्नेछ ।
लघुवित्तले चालु आर्थिक वर्षको प्रथम त्रैमासमा ७ करोड ९ लाख खुद नाफा कमाएर वार्षिक प्रतिशेयर आम्दानी ३५ रुपैयाँ ५१ पैसा कायम गरेको छ ।
