नेप्सेले लघुवित्तको प्रतिकित्ता शेयर मूल्य ५३६ रुपैयाँ ३६ पैसा निर्धारण गरेको छ । बुधबार लघुवित्तको यसै मूल्यलाई आधार मानेर शेयर कारोबार सुरु भएको छ ।
नेप्सेमा १८० दिन कारोबार भएको मूल्यको आधारमा लघुवित्तको औसत आधारमूल्य ५७४ रुपैयाँ १८ पैसा कायम भएको छ ।
लघुवित्तले पुस २० गते हुने वार्षिक साधारण सभा प्रयोजनको लागि पुस ४ गते बुधबार शेयर धनी दर्ता किताब बन्द गरेसँगै मूल्य समायोजन भएको हो ।
लघुवित्तले वार्षिक साधारण सभामा १० प्रतिशत बोनस तथा १० प्रतिशत नगद लाभांश गरि कूल २० प्रतिशत लाभांशलाई अनुमोदन गर्नेछ ।
लाभांश वितरण प्रस्ताव पारित गर्न लघुवित्तले पुस २० गते शुक्रबार युनाइटेड वर्ल्ड सेन्टर त्रिपुरेश्वर, काठमाडौंमा बिहान ११ बजे सभा डाकेको छ ।
लघुवित्तको हालको चुक्ता पूँजी ७२ करोड ६७ लाख २६ हजार रुपैयाँ रहेको छ । बोनस शेयर वितरण पश्चात लघुवित्तको चुक्ता पूँजी ७९ करोड ९३ लाख ९८ हजार रुपैयाँ पुग्नेछ ।