लघुवित्त कम्पनीको सञ्चालक समितिको पुस ९ गते बसेको २५४ औं सञ्चालक समितिको बैठकले कार्तिक २६ गतेको २८२ औं बैठकले शेयरधनीलाई प्रस्ताव गरेको लाभांश खारेज गर्दै नयाँ बोनस वितरण गर्ने निर्णय गरेको छ ।
लघुवित्तकाे पुस ९ गते बसेको २५४ औं सञ्चालक समितिको बैठकले शतप्रतिशत हकप्रद पश्चात कायम चुक्ता पूँजी १५ करोड ३२ लाख ९९ हजार ४५९ रुपैयाँको ९.३८ प्रतिशत बोनस र कर प्रयोजनका लागि ०.४९ प्रतिशत नगद लाभांश वितरण गर्न राष्ट्र बैंककाे स्वीकृतीका लागि पठाउने निर्णय गरेको छ ।
यसअनुसार लघुवित्तले एक करोड ४३ लाख ८० हजार ४१ रुपैयाँ बोनस र कर प्रयोजनका लागि ७ लाख ५६ हजार ८४४ रुपैयाँ नगद गरि कूल एक करोड ५१ लाख ३६ हजार ८५५ रुपैयाँ लाभांश वितरण गर्नेछ ।
यसअघि कार्तिक २६ गतेको २८२ औं बैठकले शेयरधनीलाई लघुवित्तको चुक्ता पूँजी १५ करोड ३२ लाख ९९ हजार ४५९ रुपैयाँको १६.११ प्रतिशत बोनस र कर प्रयोजनका लागि ०.८४ प्रतिशत लाभांश प्रस्ताव गरेको थियो ।
सूचीकृत कम्पनीहरुको एकपछि अर्को निर्णय गर्दै लाभांश संसोधन हुने क्रम बढ्दा कम्पनीको लाभांशलाई हेरेर शेयर खरिद गर्ने लगानीकर्ता भने फसेका छन् । त्यसकारण लगानीकर्ताले कम्पनीले प्रस्ताव गरेको लाभांशदरलाई मात्रै आधार नमानी नियामक निकायबाट स्वीकृती नपाउँदासम्म सो कम्पनीको प्रस्ताव संसेधन हुनसक्नेतर्फ ध्यान पुर्याउन जरुरी देखिन्छ ।
यसअघि स्वदेशी लघुवित्तले पनि नियामक निकायले लाभांश वितरण गर्न स्वीकृती नदिँदा १० प्रतिशत नगद लाभांश खारेज गरेको थियो ।
