बैंकले लाभांश वितरण र साधारण सभा प्रयोजनका लागि बैंकले पुस १८ गते बुधबारदेखि बुकक्लोज गर्ने भएकाले मंगलबारसम्म कायम शेयरधनीले मात्र लाभांश पाउनेछन् ।
पुस १६ गते साेमबार बैंककाे शेयरमूल्य प्रतिकित्ता ४२० रूपैयाँमा काराेबार भएकाे छ ।
बैंकले पुस ३० गते त्रिभुवन आर्मी अफिसर्स क्लब, भद्रकालीमा आह्वान गरेको साधारण सभाले गत आवको नाफाबाट सञ्चालक समितिले शेयरधनीलाई वितरण गर्न प्रस्ताव गरेको ५ प्रतिशत बोनस र १०.७९ प्रतिशत नगद लाभांश (४० करोड २३ लाख ४५ हजार २६३ रुपैयाँको बोनस र ८६ करोड ८२ लाख १८ हजार ७२५ रुपैयाँ नगद लाभांश) अनुमोदन गर्नेछ ।
हाल ८ अर्ब ४ करोड ६९ लाख ०५ हजार रुपैयाँ चुक्ता पूँजी रहेको बैंकको पाँच प्रतिशत अर्थात ४० करोड २३ लाख ४५ हजार २५० रुपैयाँ बोनस पश्चात ८ अर्ब ४४ करोड ९२ लाख ५० हजार रुपैयाँ चुक्ता पूँजी पुग्नेछ।
चालु आर्थिक वर्षको पहिलो त्रैमासमा एसबीआईले ४८ करोड ५३ लाख ६३ हजार रुपैयाँ खुद नाफा कमाएको छ ।