अब लघुवित्तले काठमाडौं क्यापिटललाई बिक्री प्रबन्धकत्वमा २ः१ अनुपातमा चुक्ता पूँजीको ५० प्रतिशत अर्थात ३ करोड २९ लाख ८९ हजार रुपैयाँ बराबरको ३ लाख २९ हजार ८९० कित्ता हकप्रद शेयर निष्काशन गर्नेछ ।
लघुवित्त कम्पनीले सो हकप्रद निष्काशनका लागि असोज २३ गते बोर्डसँग अनुमति मागेको थियो ।
हाल ६ करोड ५९ लाख ७७ हजार ९३८ रुपैयाँ चुक्ता पूँजी रहेको छ ।
लघुवित्तले गत आर्थिक वर्षको नाफाबाट शेयरधनीलाई चुक्ता पूँजीको १०.४५ प्रतिशत (६८ लाख ९४ हजार ६९५ रुपैयाँ) बोनस शेयर वितरण गर्ने प्रस्ताव गरिसकेको छ।
हकप्रद र बोनसपछि मिथिलाको चुक्ता पूँजी १० करोड ५८ लाख ६१ हजार ६०२ रुपैयाँ पुग्नेछ । चालु आर्थिक वर्षको पहिलो त्रैमासमा लघुवित्तले ३५ लाख ७० हजार रुपैयाँ खुद नाफा कमाएर प्रतिशेयर आम्दानी २१ रुपैयाँ ५३ पैसा कायम गरेको छ ।
अपि पावर फेरि बोर्डमा
अपि पावर कम्पनी (API) फेरि दुई सय प्रतिशत हकप्रद निष्काशनको अनुमति माग्दै धितोपत्र बोर्ड पुगेको छ ।
यसअघि देखि नै हकप्रद जारी गर्न धितोपत्र बोर्डको अनुमति मागेपनि हालसम्म अनुमति नदिएपछि कम्पनीले आर्थिक वर्ष २०७३/७४ को चौथो वार्षिक साधारण सभाबाट पारित ८ प्रतिशत बोनस पश्चात कायम हुने पूँजीको २०० प्रतिशत हकप्रद बिक्रीको अनुमति मागेको हो ।
अपिले चुक्ता पूँजीको दुई सय प्रतिशत अर्थात १ः२ को अनुपातमा एक सय रुपैयाँ अंकित दरमा २ अर्ब २६ करोड ८० लाख रुपैयाँ बराबरको २ करोड २६ लाख ८० हजार कित्ता हकप्रद शेयर निष्काशनको अनुमति माग गर्दै पुस ४ गते धितोपत्र बोडमा निवेदन दिएको छ ।
कम्पनीको आठ प्रतिशत बोनस पछि कम्पनीको चुक्ता पूँजी एक अर्ब १३ करोड ४० लाख रुपैयाँ पुग्नेछ । हकप्रद बिक्रीपछि तीन अर्ब ४० करोड २० लाख रुपैयाँ चुक्ता पूँजी पुग्नेछ ।
हकप्रदबाट संकलित पूँजीबाट एक अर्ब रुपैयाँ सिद्धकाली पावर लिमिटेडमा लगानी गर्ने कम्पनीले जनाएको छ । बाँकी एक अर्ब २६ करोड रुपैयाँ १८ मेगावाट क्षमताको विभिन्न सोलार आयोजनामा लगानी गर्ने कम्पनीको तयारी छ ।
