राष्ट्र बैंकले तोकेको न्यूनतम चुक्ता पूँजी ५० करोड पुर्याइसकेको यस विकास बैंकले पनि नगद मात्र बाँड्ने भएको हो ।
बैंक सञ्चालक समितिको पुस २० गते बेलुका ६ बसेको सञ्चालक समितिको १८९ औं बैठकले गत आर्थिक वर्ष २०७४/७५ को सञ्चित मुनाफाबाट शेयरधनीलाई चुक्ता पूँजीको ६ प्रतिशत नगद लाभांश वितरण गर्ने प्रस्ताव गरेको हो ।
गत आर्थिक वर्षको अन्त्यसम्म तीन करोड ९६ लाख २५ हजार रुपैयाँ खुद नाफा आर्जन गरेको थियो । यहि नाफाबाट बैंकले ६ प्रतिशत नगद लाभांश बाँड्ने प्रस्ताव गरेको हो।
अघिल्लो आर्थिक वर्ष बैंकले शेयरधनीलाई ५.५५ प्रतिशत बोनस र कर प्रयोजनका लागि ०.२९ प्रतिशत नगद लाभांश बाँडेको थियो ।
हाल बैंकको चुक्ता पूँजी ५० करोड १६ लाख रुपैयाँ रहेको छ । यसअनुसार बैंकले नगद लाभांश वापत शेयरधनीलाई तीन करोड ९६ हजार रुपैयाँ बाँड्नेछ ।
बैंकले प्रस्ताव गरेको क्त लाभांश राष्ट्र बैंकको स्वीकृती तथा बैंकको आगामी वार्षिक साधारण सभाले अनुमोदन गरेपश्चात मात्र शेयरधनीलाई वितरण हुनेछ ।
भार्गव विकास बैंकले चालु आर्थिक वर्षको पहिलो त्रैमाससम्ममा एक करोड ४५ लाख १९ हजार रुपैयाँ खुद नाफा कमाएर प्रतिशेयर आम्दानी ११ रुपैयाँ ५८ पैसा कायम गरेको छ ।