चीनको अर्थव्यवस्थामा मन्दी आएका कारण विश्वभरका कार निर्माता कम्पनीहरूको उत्पादनमा समेत प्रत्यक्ष प्रभाव परेको छ । यसैबीच चीनको सबैभन्दा सफल कार निर्माता कम्पनी जेलीले यो वर्ष बिक्री बढ्ने अनुमान लगाइरहेको छ ।
फोर्ड, भोक्सवेगन, जगुआर ल्याण्ड रोभर र जनरल मोटर्स जस्ता विदेशी कार निर्माताहरूले पनि विगत केहि महिनादेखि चीनमा आफ्नो उत्पादन बिक्रीमा गिरावटको सामना गरिरहेका छन् ।
सरकारद्धारा समर्थित उद्योग समूह चाइना एसोसिएसन अफ अटोमोबाइल मेनुफ्याक्चर्स (सीएएएम) ले गत महिना अमेरिकाका साथ चीनको व्यापार युद्धका कारण देखाउँदै आर्थिक परिवर्तन र अन्तर्राष्ट्रिय कारण कारको विक्रीमा मन्दी देखिएको आरोप लगाएको छ ।
गत वर्ष चीन र अमेरिका दुवै देशले एक अर्काको सामानमा अर्बौं डलर बराबरको कर लगाएका थिए ।
यद्यपी चीनको राष्ट्रिय विकास र सुधार आयोग (एनडीआरसी) का अनुसार, यी कारहरूका साथै घरेलु उपकरणहरूमाथि उपभोक्ताहरूको खर्चलाई बढावा दिनका लागि नीति प्रस्तुत गर्ने योजना बनिरहेको छ ।
एनडीआरसीले अझै पनि कारको अधिक विक्रीको सम्भावना रहेको भन्दै ग्रामीण कार खरिद कार्यक्रमको सुरूवात वा कारकोबिक्रीमा करको कटौतिबाट कारको विक्रीमा मद्दत मिल्ने बताएको छ ।
एजेन्सी
