कारोबारमा आएका १० उप सूचक मध्ये दुई सूचक मात्र झिनो अंकले सुधारिएका छन् भने बाँकी आठ उप समूहको सूचक ओरालो लागेका छन् ।
अन्य उप समूहको सूचक २.८७ अंकले बढदा उत्पादमूलक उप समूहको सूचक ०.६९ अंकले सकारात्मक भएको छ ।
यस दिन र्निजीवन बीमा समूहको सूचक सुबै भन्दा धेरै अर्थात ७१.२७ अंकले ओरालो लागेको छ । होटल समूह १२.८७, लघुवित्त १२.७, जीवन बीमा, ११.१८, बैंकिङ्ग ६.३२, जलविद्युत्त ५.२५, विकास बैंक ४.५ र वित्त समूहको सूचक ०.८५ अंकले ओरालो लागेका छन् ।
बजारमा वाणिज्य बैंकको हिस्सा धेरै भएका कारण बजार सूचक घटबढमा यो उपसमुहले धेरै भुमिका खेल्छ । आइतबार बैंकिंग उपसमुहमा ६.३२ अंकको गिरावट आउँदा अरु ९ उपसमुहको उतारचढावको सामान्य समायोजनले बजार ५.७८ अंकले तल झरेको हो ।
यसले वाणिज्य बैंकहरुको शेयरमूल्य घट्दो अवस्थामा रहँदा समग्र सूचक ओरालो लागे पनि अरु उपसमुहका कम्पनीको शेयर मूल्य बढिरहेको हुन सक्ने देखाउँछ । अर्थात नेप्से घट्यो वा बढ्यो मात्र भन्ने भन्दा पनि उपसमुहका आधारमा के के भईरहेको छ भन्ने पनि लगानीकर्ताले ध्यानमा राख्नु पर्ने हुन्छ ।
आइतबार नेपाल बैंकको शेयर अधिक कारोबार भएको छ । प्रत्याभुत भएको शेयर सम्बन्धित व्यक्तिको खातामा पठाउने क्रम अझै चलिरहनु तथा बैंकले एफपिओ बिक्री गर्दा भनेजस्तै लाभांस प्रस्ताव गर्ने आशमा लगानीकर्ता नेपाल बैंकको शेयरमा बढी आकर्षित भएका हुन् ।
तर बैंकलाई राष्ट्र बैंकले लाभांस बितरणमा सहज ढंगले बाटो खुल्ला गर्न नसक्ने अवस्थाले भने बैंकले कति लाभांस प्रस्ताव गर्ला भन्ने चासो बढेको छ । साथै बैंकले लाघभांस प्रस्ताव गरे पनि त्यसलाई राष्ट्र बैंकले सुधार गर्न लगाउने अवस्था रहन सक्छ । आइतबार बैंकको तीन लाख ८३ हजार २७० कित्ता शेयर ११ करोड ५९ लाख १० हजार रुपैयाँमा किनबेच भएको छ ।
अधिक कारोबार हुने शिर्ष १० मध्ये ७ वाणिज्य बैंक रहेका छन् भने आइतबारबाट शेयर कारोबार सुरु भएको माथिल्लो तामाकोशी जलविद्युत आयोजना ५१ ह्जार ८७५ कित्ता शेयर १ करोड १६ लाख २० हजार रुपैंयाको कारोबार सहित छैठौं स्थानमा परेको छ ।
वोमी माइक्रोफाइनान्सको शेयर मूल्य धेरै अर्थात ९.९५ प्रतिशतले बढेको बजारमा नागरिक लगानी कोषको ४.४ प्रतिशत, सेन्ट्रल फाइनान्स र श्री राम सुगर मिल्सको तीन प्रतिशत भन्दा धेरैले शेयरमूल्य बढेको छ ।
श्रीराम सुगर मिल्सको शेयर भने सिमित व्यत्तिको हातमा मात्र रहेको अवस्थामा जम्मा ४० कित्ता शेयर एक आपसमा कारोबार गराएर शेयरमूल्य बढाइएको छ । यसले आगामी दिनमा दैनिक रुपमा थोरै कित्ताको कारोबार गराउँदै श्रीरामको शेयर मूल्य बढाउँदै लैजाने देखिन्छ । एउटा विन्दुमा पुगे पछि बल्ल सबै लगानीकर्तामा त्यस्तो शेयर बिक्रीमा आउँछ । आइतबार ४ नम्बरबाट २ पटक बिक्रीमा आएको बीस बीस कित्ता शेयर १७ नम्बर तथा ५८ नम्बरले खरिद गरेका छन् ।
त्यसैगरी तिनाउँ डेभलपमेन्ट बैंक, सिटिजनस बैंक, सिभिल लघुवित्त, पूर्णीमा विकास बैंक, समता माइक्रोफाइनान्स र सिर्जना फाइनान्स अधिक शेयर मूल्य बढ्ने १० कम्पनीको सूचीमा परेका छन् ।
यस दिन भार्गव विकास बैंकको शेयर मूल्य सबै भन्दा धेरै अर्थात ५.७१ प्रतिशतले घटेको छ । स्वदेशी लघुवित्त, आरम्भ लघुवित्त, सर्पोट माइक्रोफाइनन्स र तारागाँउ रेजेन्सि होटलको शेयर मूल्य ५ प्रतिशत भन्दा धेरैले संकुचित भएको छ ।
साथै आँखु खोला जलविद्युत र आइएमई जनरल इन्स्योरेन्सको शेयर मूल्य चार प्रतिशतले घट्दा युनाईटेड इन्स्योरेन्स र स्टयाण्डर्ड चार्टर्ड बैंकको शेयर मूल्य तीन प्रतिशतले ओरालो लागेको छ ।
बजार ओरालो लागे पनि कारोबार रकम भने अघिल्लो कारोबार दिनको तुलनामा केही बढेको हो । अघिल्लो पटकको कारोबारमा ३६ करोड ६३ लाख रुपैंयाको शेयर किनबेच भएको थियो ।