संंस्थाका अध्यक्ष सचिन जङ्ग रायमाझीकोे सभापतित्वसम्पन्न साधारण सभाले आर्थिक वर्ष २०७४/०७५ को नाफाबाट चुक्ता पूँजीको ४ प्रतिशतले बोनस शेयर र ३.८९४ प्रतिशत नगद लाभांश वितरण गर्ने प्स्ताव पारित गरेको हो ।
यसैगरि बोनस शेयर जारी पश्चात कायम हुने जारी तथा चुक्ता पूँजी ११ करोड ४१ लाख १४ हजारको १०० प्रतिशत अर्थात १ः१ को अनुपातमा हकप्रद शेयर जारी गर्ने प्रस्ताव पारित गरेको छ ।
सभाले मर्जर तथा प्राप्ति सम्वन्धी कार्यको लागि सञ्चालक समितिलाई अधिकार प्रत्यायोजन गर्ने विशेष प्रस्ताव पारित गर्नुको साथै संस्थाको प्रबन्धपत्र तथा नियमावलीमा आवश्यक संशोधन गर्ने लगायतका प्रस्तावहरु समेत पारित गरेको छ ।
सिभिल बैंक लिमिटेडको सहायक कम्पनीको रुपमा रहेको यस वित्तीय संस्थाको २०७५ साल मंसिर मसान्त सम्म कूल सदस्य संख्या १९ हजार ९ सय, लगानीमा रहिरहेको कर्जा रकम ६७ करोड १४ लाख रुपैयाँ रहेको छ ।
हाल संस्थाले ३५ वटा शाखा कार्यालयहरु मार्फत २३ जिल्लामा लघुवित्तीय सेवा प्रदान गर्दै आइरहेको छ भने निकट भविष्यमा थप स्थानहरूमा आफ्ना सेवाहरू विस्तार गर्ने लक्ष्य लिएको छ ।
