कम्पनी सञ्चालक समितिले प्रस्ताव गरेको उक्त लाभांश बीमा समितिबाट स्वीकृत भएर इन्स्यारेन्सको आगामी वार्षिक साधारण सभाबाट पारित भएपछि मात्र शेयरधनीलाई वितरण हुनेछ ।
इन्स्यारेन्सले आर्थिक वर्ष २०७२/७३ मा पनि ८ प्रतिशत बोनस र कर प्रयोजनका लागि ०.४२ प्रतिशत नगद लाभांश वितरण गरेको थियो ।
हाल कम्पनीको चुक्ता पूँजी ५९ करोड ४० लाख रुपैयाँ रहेको छ । प्रस्तावित चार करोड ७५ लाख २० हजार रुपैयाँ बोनस पश्चात कम्पनीको चुक्ता पूँजी ६४ करोड १५ लाख २० हजार रुपैयाँ पुग्नेछ ।
बीमा समितिले तोकेको २ अर्ब पूँजी कायम गर्न कम्पनीले ६० प्रतिशत बराबरको २९ लाख ७० हजार कित्ता हकप्रद बिक्री गर्न धितोपत्र बोर्डबाट अनुमति पाइसकेको छ । हकप्रदपछि ९३ करोड ८५ लाख २० हजार रुपैयाँ चुक्ता पूँजी पुग्नेछ ।
चालु आर्थिक वर्षको पहिलो त्रैमासमा ३५ करोड ४५ लाख रुपैयाँ खुद बीमा शुल्क आर्जन गरेको छ। यो गत आर्थिक वर्षको यहि अवधिको तुलनामा २६.१५ प्रतिशतले बढी हो।
यस अवधिमा इन्स्योरेन्सले २ करोड ४३ लाख रुपैयाँ खुद नाफा गरेर इन्स्योरेन्स कम्पनीको प्रतिशेयर आम्दानी १६ रूपैयाँ ४२ पैसा कायम गरेको छ । यो गत वर्षको यहि अवधिको तुलनामा २२ लाख ७६ हजार रुपैयाँले कम्पनीको नाफा घटेको हो ।
