बैंकले प्रदेश १ को लागि मोरङ जिल्लाको विराटनगर, प्रदेश २ को लागि महोत्तरी जिल्लाको बर्दिबास, प्रदेश ३ को लागि काठमाडौं जिल्लाको न्युरोड, प्रदेश ४ गण्डकी प्रदेशको लागि कास्की जिल्लाको पोखरा, प्रदेश ५ को लागि बाँके जिल्लाको नेपालगञ्ज, प्रदेश ६ कर्णाली प्रदेशको लागि सुर्खेतमा र प्रदेश ७ को लागि कैलाली जिल्लाको धनगढीमा प्रादेशिक कार्यालय स्थापना गरि प्रादेशिक प्रमुखहरु पनि तोकिएको जनाएको छ ।
स्थापना गरिएका प्रादेशिक कार्यालयहरुले आफ्नो मातहतका शाखा कार्यालयहरुको समन्वय, अनुगमन तथा सुपरिवेक्षण गर्ने, शाखा कार्यालयहरुलाई सहजीकरण गर्ने, जोखिम ब्यवस्थापन, ब्यवसाय विस्तारमा सहयोग गर्ने, सेवा सुधार गराउने, गुनासो सुनवाई लगायतका कार्यहरु गर्ने जिम्मेवारी तोकिएको पनि जनाएको छ ।
बैंकको देशभर हाल ८१ वटा शाखा कार्यालयहरु रहेका छन । बैंकले हाल ५२ अर्ब निक्षेप परिचालन गरि ४९ अर्ब कर्जा प्रवाह गरेको छ । साथै बैकको ६३ वटा एटिएम सञ्चालनमा रहेका छन् ।
