लघुवित्त कम्पनीले बुधबार प्रकाशित गरेको वित्तीय विवरण अनुसार ६ महिना अवधिमा कम्पनीको खुद नाफा एक करोड तीन लाखमा खुम्चिएको छ। गत आवको यसै अवधिमा कम्पनीले एक करोड ८१ लाख खुद नाफा आर्जन गरेको थियो ।
समीक्षा अवधिमा १५ प्रतिशतले पूँजी बढाएको कम्पनीको हाल १६ करोड २० लाख रुपैयाँ चुक्ता पूँजी छ । माईक्रोफाइनान्सले जगेडा कोषमा ९ करोड ७० लाख रुपैयाँ सञ्चित गरेको छ ।
पुस मसान्तसम्म माईक्रोफाइनान्सले निक्षेपको आकार ६१. ४६ प्रतिशतले बढाउँदा कर्जा लगानी २१.५९ प्रतिशतले बढाएको छ । यस अवधिमा कम्पनीले ८६ करोड ४४ लाख रुपैयाँ निक्षेप संकलन गरी दुई अर्ब ४५ करोड ४९ लाख रुपैयाँ कर्जा परिचालन गरेको छ । उसले बैंकहरुबाट एक अर्ब ८० करोड ७४ लाख सापटी लिएको छ ।
माइक्रोफाइनान्सले यसअवधिमा खुद ब्याज आम्दानी ८ करोड ९५ लाख रुपैयाँ गरेको छ । यो गत बर्ष भन्दा १०.३३ प्रतिशतले बढी हो । लघुवित्तको ब्याज आम्दानी २१.६५ प्रतिशतले बढ्दा ब्याज खर्च ३१.१४ प्रतिशतले बढेको छ ।
माइक्रोफाइनान्सको निष्कृय कर्जा अनुपात २.३३ बाट बढेर २.८९ प्रतिशत पुगेको छ । यसले कम्पनीको नोक्सानी व्यवस्था गत आवको यसै अवधिको तुलनामा ५२ प्रतिशतले बढेर दुई करोड २२ लाख पुगेको छ । यसको असर लघुवित्तको खुद नाफामा परेको छ । यस्तै लघुवित्तको कोषको लागत ९.६० बाट बढेर १०.०८ प्रतिशतमा पुगेको छ भने कर्मचारी खर्च गत आवको यसै अवधिको तुलनामा एक करोड ५५ लाखले बढेको छ । जसले नाफा घटेको हो ।
पूँजी वृद्दि र नाफामा गिरावटले यस अवधिमा लघुवित्तको प्रति शेयर आम्दानी १२ रुपैयाँ ७४ पैसामा झरेको छ। गत आवको यसै अवधिमा कम्पनीको २५ रुपैयाँ ७९ पैसा इपिएस थियो। लघुवित्तको मूल्य आम्दानी अनुपात ९०.१६ गुणा र प्रतिशेयर नेटवर्थ १५९ रुपैयाँ ८८ पैसा छ ।
