नेप्सेले होटलले पेश गरेको स्पष्टीकरणहरु संतोषजनक नदेखिएपनि लगानीकर्ताको हितलाईध्यान दिँदै धितोपत्र स्थगन फुकुवा गरेको हो। यस अनुसार कम्पनीको कारोबार सुचारु माघ ३ गते बिहीबारबाट सुरु भएको छ ।
कम्पनीले सञ्चालक समितिको बैठक बसेर गत आर्थिक वर्षको नाफाबाट लाभांश घोषणा गरेर लामो समयसम्म सार्वजनिक जानकारीमा ल्याएको थिएन । होटलले पुस २४ गतेको निर्णय ३० गतेमात्र नेप्सेमा जानकारी पठाएपछि नेप्सेले २४ भण्टे स्पष्टिकरण माग्दै सूचीकरण स्थगन गरेको थियो ।
कम्पनीहरूले धितोपत्रको बजारमूल्यमा प्रभाव पार्ने सूचना सम्प्रेषण गर्दा नेप्से र सम्बन्धित कम्पनीबीच भएको सूचीकरण सम्झौता अनुसार पालन गर्न निर्देशन दिएको छ ।
धितोपत्र व्यवस्था सम्बन्धी सम्पुर्ण प्रावधान पालना गर्न र आम लगानीकर्ताले यस्ता सूचना प्रभावकारी रुपमा पाउने अधिकार चुस्त र दुरुस्त कायम राख्न कडा निर्देशन दिएको छ ।
