गत आवको ६ महिना अवधिमा लघुवित्त कम्पनीले ३३ लाख ९२ हजार रुपैयाँ मात्र खुद नाफा आर्जन गरको थियो ।
निक्षेप संकलन र कर्जा विस्तारलाई उल्लेख्य विस्तार गरेको लघुवित्तको खुद ब्याज आम्दानी वृद्धि भएसँगै खुद नाफामा बढोत्तरी देखिएको हो । गत वर्षको यसै अवधिमा २ करोड १७ लाख खुद ब्याज आम्दानी गरेको लघुवित्तले चालु आवको दोस्रो त्रैमाससम्मा ३ करोड ८२ लाख खुद ब्याज आम्दानी गरेको छ ।
यस अवधिमा १४ करोड ७ लाखको निक्षेप ३३ करोड २४ लाखमा र ४९ करोड ८६ लाखको कर्जा लगानी एक अर्ब आठ करोड ८० लाखमा विस्तार गर्न लघुवित्त सफल भएको छ । लघुवित्तले बैंक तथा वित्तीय संस्थाबाट ५७ करोड ९० लाख सापटी लिएको छ ।
आईपिओ निष्काशन पश्चात लघुवित्तको चुक्ता पूँजी १८ करोड ६० लाख पुगेको छ भने जगेडा कोषमा दोब्बरले वृद्धि भई २ करोड ५४ लाख रुपैयाँ सञ्चित छ ।
लघुवित्तको निष्क्रिय कर्जा अनुपात १.०२ प्रतिशत बाट ०.६८ प्रतिशतमा झरेको छ । लघुवित्तको प्रतिशेयर आम्दानी ११ रुपैयाँ ३१ पैसा, प्रतिशेयर नेटवर्थ ११३ रुपैयाँ ६८ पैसा र मूल्य आम्दानी अनुपात २१.०४ गुणा बढी छ ।
