यस अवधिमा लघुवित्तले १० करोड २८ लाख रुपैयाँ निक्षेप संकलन र ४७ करोड १८ लाख रुपैयाँ सपटी लिएर ५२ करोड २६ लाख रुपैयाँ कर्जा परिचालन गरेको छ। कम्पनीले ४ करोड ७ लाख रुपैयाँ व्याज आम्दानी गरी २ करोड ८५ लाख रुपैयाँ व्याज वापत खर्च गरेको छ। १ करोड २२ लाख रुपैयाँ खुद व्याज आम्दानी गरेको छ।
यस अवधिमा लघुवित्तको खराब कर्जा अनुपात ०.५१ प्रतिशत छ।
चुक्ता पूँजी ५ करोड ५० लाख रुपैयाँ रहेको लघुवित्तको जगेडा कोषमा ८ लाख ३५ हजार रुपैयाँ सञ्चित छ।
स्पर्श लघुवित्तले आईपिओ निष्काशन माग गर्दै धितोपत्र बोर्डमा आवेदन दिएको छ । कम्पनीले २ करोड ६९ लाख ६३ हजार रुपैयाँको २ लाख ६९ हजार ६३० कित्ता आईपिओ निष्काशनको अनुमति माग गर्दै आवेदन गरेको हो।
आईपिओ निष्काशन पश्चात कम्पनीको चुक्ता पूँजी ८ करोड २९ लाख ६३ हजार रुपैयाँ पुग्नेछ । कम्पनीको शेयर निष्काशक तथा बिक्री प्रबन्धकमा सानिमा क्यापिटललाई यस अघि नै नियुक्त गरी सकेको छ।