लघुवित्तले २ः१ अनुपातमा ३ करोड २९ लाख ८९ हजार रुपैयाँ बराबरको ३ लाख २९ हजार ८९० कित्ता हकप्रद शेयर निष्काशन गर्न लागेको हो । लघुवित्तको हकप्रदलाई केयर रेटिङ्गस् नेपालले औसतभन्दा तल जनाउने 'केयर एनपि आईपिओ ग्रेड ४' ग्रेडिङ्ग प्रदान गरेको छ ।
लघुवित्तको हकप्रद निष्काशन तथा बिक्री प्रबन्धक काठमाडौं क्यापिटल रहेको छ । हकप्रद निष्काशनका लागि कम्पनीले पुस ३० गतेसम्म कायम रहेका शेयरधनीले उक्त हकप्रदमा फागुन २२ गतेसम्म आवेदन दिन सक्नेछन् ।
शेयरधनीले धितोपत्र बोर्डबाट सि आश्वा अनुमति प्राप्त सबै बैंक तथा वित्तीय संस्थाका अलवा मेरो शेयरबाट पनि हकप्रद भर्न पाउनेछन् ।
हाल ६ करोड ५९ लाख ७७ हजार ९३८ रुपैयाँ चुक्ता पूँजी रहेको छ । लघुवित्तले गत आर्थिक वर्षको नाफाबाट शेयरधनीलाई चुक्ता पूँजीको १०.४५ प्रतिशत (६८ लाख ९४ हजार ६९५ रुपैयाँ) बोनस शेयर वितरण गर्ने प्रस्ताव गरिसकेको छ।
हकप्रद र बोनसपछि मिथिलाको चुक्ता पूँजी १० करोड ५८ लाख ६१ हजार ६०२ रुपैयाँ पुग्नेछ । चालु आर्थिक वर्षको पहिलो त्रैमासमा लघुवित्तले ३५ लाख ७० हजार रुपैयाँ खुद नाफा कमाएर प्रतिशेयर आम्दानी २१ रुपैयाँ ५३ पैसा कायम गरेको छ ।
लघुवित्त धितोपत्र बोर्डबाट पुस १३ गते चुक्ता पूँजीको ५० प्रतिशत अर्थात २ बराबर एक अनुपातमा हकप्रद बिक्री गर्न अनुमति पाएको थियो ।
लघुवित्तले चालू आर्थिक वर्षको प्रथम त्रैमासमा ३५ लाख ५० हजार खुद नाफा आर्जन गरेर प्रतिशेयर आम्दानी २१ रुपैयाँ ५३ पैसा कायम गरेको छ ।