तिनाउ विकास बैंकको जगेडा कोष आकर्षक बन्दै, खुद नाफा सामान्य बढ्यो

Jan 24, 2019 Merolagani

तिनाउ विकास बैंक (TNBL) ले चालु आर्थिक वर्षको दोस्रो त्रैमासमा नाफा सामान्य बनाउँदा जगेडा कोषमा भने आकर्षक सुधार गरेको छ। बैंकले आफ्नो खुद नाफा करिब २ प्रतिशतले बढाउँदा जगेडा कोष भने ६१.८८ प्रतिशतले सुधार गरेको हो ।

चालू आवको ६ महिना अवधिमा तिनाउले ४ करोड ७ लाख खुद नाफा आर्जन गरेको वित्तिय विवरण सार्वजनिक गरेको छ । गत वर्षको यसै अवधिमा बैंकले ३ करोड ९९ लाख खुद नाफा आर्जन गरेको थियो । 

५० करोड ६९ लाख चुक्ता पूँजी रहेको बैंकको जगेडा कोषमा ६१.८८ प्रतिशतले वृद्धि भई १८ करोड ७६ लाख रुपैयाँ सञ्चित छ ।

यस अवधिमा बैंकले ५ अर्ब १७ करोड ३८ लाख निक्षेप संकलन र ४ अर्ब ४१ करोड २३ लाख रुपैयाँ बराबरको कर्जा परिचालन गरेको छ । समीक्षा अवधिमा बैंकले निक्षेप संकलन र कर्जा परिचालन क्रमश १९.४२ र २५.२४ प्रतिशतले बढाएको हो ।

चालू आर्थिक वर्षको दोस्रो त्रैमास सम्ममा बैंकले ९ करोड ६० लाख खुद ब्याज आम्दानी गरेको छ । गत बर्षको यसै अवधिमा बैंकले ८ करोड ३ लाख खुद ब्याज आम्दानी गरेको थियो ।

बैंकको निष्क्रिय कर्जा अनुपात भने ०.२८ बाट बढेर ०.४६ प्रतिशत पुगेको छ । चुक्ता पूँजी स्थिर रहँदा प्रतिशेयर आम्दानी समान्य सुधार भई १६ रुपैयाँ ८ पैसा पुगेको बैंकको प्रतिशेयर नेटवर्थ १३७ रुपैयाँ २ पैसा र मूल्यआम्दानी अनुपात ९.५२ गुणा बढी छ ।


comments powered by Disqus

आईपीओभन्दा सस्तो मूल्यमा छानीछानी किन्नुहोस् १७ कम्पनीको शेयर

Aug 25, 2019 07:42 PM

- दीप थापा।
शेयर बजार परिसूचक निरन्तर घटेर तल्लो बिन्दुमा झर्दा १७ सूचीकृत कम्पनीहरुको शेयरमूल्य घटेर आईपीओभन्दा सस्तो मूल्यमा झरेको छ। शेयरमूल्य घटेर आईपीओ भन्दा तल झर्दा लगानीकर्तालाई दोस्रो बजारबाट छानीछानी शेयर खरीद गर्ने अवसर प्राप्त भएको छ।