समीक्षा अवधिमा ३ करोड ८ लाख खुद नाफा घटेपछि गत आवको दोस्रो त्रैमासमा ३७ रुपैयाँ ४६ पैसा रहेको प्रतिशेयर आम्दानी ३ रुपैयाँ ५८ पैसामा झरेको हो ।
खराब कर्जा उठाएर गत वर्षको पुस मसान्तसम्ममा ३ करोड ४० लाख खुद नाफा आर्जन गरेको फाइनान्सको चालु आर्थिक वर्षको दोस्रो त्रैमासमा ३२ लाख ६० हजारमा नाफा सीमित भएको हो ।
निष्क्रिय कर्जा अनुपातमा सुधार गर्न नसक्दा थपिएको नोक्सानी व्यवस्थाका कारण फाइनान्सको खुद नाफामा गत आवको तुलनामा उच्च गिरावट देखिएको हो । कर्मचारी खर्चर अन्य सञ्चालन खर्च धान्न नसकेर ३८ लाख ८७ हजार नोक्सानी ब्यहोरेको फाइनान्स दुई करोड ८८ लाख नोक्सानी व्यवस्था गर्दा ३ करोड २६ लाख सञ्चालन नोक्सानीमा पुगेको छ ।
फाइनान्सले ३ करोड ७८ लाख रुपैयाँ खराब कर्जा उठाएपश्चात ३२ लाख ६० हजार खुद नाफामा पुगेको हो । चुक्ता पूँजी १८ करोड १९ लाखबाट २६ करोड ५६ लाख पुर्याएको फाइनान्सको जगेडा कोष २३ करोड रुपैयाँले ऋणात्मक रहेको छ ।
राष्ट्र बैंकबाट कर्जा परिचालन र निक्षेप संकलनमा रोक लगाएका कारण विगतका कर्जा असुली र निक्षेप फिर्ता दिँदै आएको छ। जसका कारण फाइनान्सको खुद ब्याज आम्दानीमा पनि उच्च गिरावट देखिएको छ। गत वर्ष २ करोड ६३ लाख खुद ब्याज आम्दानी गरेको फाइनान्सले हाल २६ लाख रुपैयाँ मात्र खुद ब्याज आम्दानी गरेको छ ।
यस फाइनान्सको ७ करोड ४४ लाख निक्षेप संकलन र १७ करोड ७९ लाख रुपैयाँ कर्जा परिचालन देखिन्छ ।
फाइनान्सको निष्क्रिय कर्जा अनुपात शतप्रतिशत रहेको छ । फाइनान्सको प्रतिशेयर नेटवर्थ १३ रुपैयाँ ४३ पैसा र मूल्य आम्दानी अनुपात २५.६७ गुणा बढी छ ।