गत वर्षको यसै अवधिमा माइक्रोफाइनान्स ६८ लाख ४५ हजार खुद नोक्सानीमा रहेको थियो। माइक्रोफाइनान्सको वार्षिक प्रतिशेयर आम्दानी ४३ रुपैयाँ ३८ पैसा कायम भएको छ ।
माइक्रोफाइनान्सको खुद ब्याज आम्दानीमा बढोत्तरी भएसँगै खुद नाफामा वृद्धि देखिएको हो । समीक्षा अवधिसम्म माइक्रोफाइनान्सले खुद ब्याज आम्दानी ८४ लाख ७४ हजारबाट बढाएर २ करोड ६७ लाख २७ हजार रुपैयाँ पुर्याएको छ ।
माइक्रोफाइनान्सले निक्षेप संकलन १६६.२३ प्रतिशतले बढाएर १७ करोड ३९ लाख पुर्याएको छ भने ६६ करोड ६९ लाख रुपैयाँ बराबरको कर्जा परिचालन गरेको छ । यसका लागि माइक्रोफाइनान्सले बैंक तथा वित्तीय संस्थाहरुबाट ४५ करोड ८० लाख सापटी लिएको छ ।
७ करोड चुक्ता पूँजी रहेको गणपति माइक्रोफाइनान्सको जगेडा कोषमा २० लाख २२ हजार रुपैयाँ सञ्चित छ । गत वर्ष पुस मसान्तसम्ममा माइक्रोफाइनान्सको जगेडा कोष एक करोड ९० लाख रुपैयाँले ऋणात्मक रहेको थियो ।
कर्जा प्रावाह व्यवसाय विस्तार बढेसँगै लघुवित्तको खराब कर्जा अनुपात ०.०२ प्रतिशतबाट बढेर १.१० प्रतिशत पुगेको छ ।
गणपति माइक्रोफाइनान्स वित्तीय संस्थाले प्रति शेयर एक सय रुपैयाँ अंकित दरमा ३ करोड रुपैयाँ बराबरको तीन लाख कित्ता साधारण शेयर सर्वसाधारणहरुमा निष्काशन गर्न एनआईबिएल एस क्यापिटललाई बिक्री प्रबन्धक छनौट गरिसकेको छ ।
गणपति माइक्रोफाइनान्स वित्तीय संस्थाको अधिकृत पूँजी रु.२० करोड, जारी पूँजी १० करोड र चुक्ता पूँजी ७ करोड रहेकोछ । सर्वसाधारणहरुलाई शेयर निष्काशन गरी बाँडफाँड गरे पश्चात संस्थाको चुक्ता पूँजी १० करोड हुनेछ ।
०७३ साल कार्तिक ३० गते नेपाल राष्ट्र बैंकबाट “घ” वर्गको इजाजतपत्र प्राप्त गरेको राष्ट्रिय स्तरको यस वित्तीय संस्थाले २०७३ मंसीर २४ गतेदेखि आफ्नो वित्तीय कारोवारको शुुभारम्भ गरेको हो ।
दुलेगौढा, तनहुँमा केन्द्रीय कार्यालय रहेको यस वित्तीय संस्थाले स्थापनाको छोटो अवधिमै आफ्नो कार्यक्षेत्र पर्वत, कास्की, तनहुँ, चितवन, धादिङ, काभ्रे, सिन्धुली, मकवानपुर, नवलपरासी, रुपन्देही, कपिलवस्तुु र दाङ्गमा, गरी जम्मा २० वटा शाखा कार्यालय मार्फत् सेवा पुर्याउँदै अाएकाे छ ।