खुद नाफा
समीक्षा अवधिमा कन्काई विकास बैंकको खुद नाफा सबैभन्दा धेरै बढेर दुई करोड ६२ लाख रुपैयाँ पुगेको छ । गत आवको पुस मसान्तमा बैंकको खुद नाफा एक करोड ९१ लाख रहेको थियो ।
चालू आर्थिक वर्षको ६ महिना अवधिमा काबेली विकास बैंकको खुद नाफा एक करोड ३ लाख रुपैयाँ रहेको छ । गत आवको पुस मसान्तमा बैंकको खुद नाफा ८० लाख १८ हजार रहेको थियो ।
सहयोगी विकास बैंकले चालू आवको पुसमसान्तमा पाँच करोड ४ लाख खुद नाफा गरेको छ । बैंकको गत आवको यसै अवधिमा चार करोड ३८ लाख रुपैयाँ रहेको थियो ।
प्रतिशेयर आम्दानी
चालू आर्थिक वर्षको दोस्रो त्रैमासमा कन्काई विकास बैंकको प्रतिशेयर आम्दानी सबैभन्दा धेरै बढेको छ । गत आर्थिक वर्षको पुस मसान्तमा ८ रुपैयाँ १५ पैसा रहेको बैंकको प्रतिशेययर आम्दानी २८.५९ प्रतिशत बढेर १० रुपैयाँ ४८ पैसा कायम भएको हो । यस अवधिमा बैंकको चुक्ता पूँजी ४७ करोड १० लाखबाट ६.१६ प्रतिशले बढेर ५० करोड पुगको छ ।
त्यसैगरि सहगोगि विकास बैंकको प्रतिशेयर आम्दानी पनि १५.०४ प्रतिशतले बढेको छ । बैंकको गत पुसमा १७ रुपैयाँ २२ पैसा रहेको प्रतिशेयर आम्दानी १९ रुपैयाँ ८१ पैसा पुगेको हो । यस अवधिमा बैंकको चुक्ता पूँजी ५० करोड ९६ लाख रुपैयाँमा स्थिर रहेको छ ।
काबेली विकास बैंकको प्रतिशेयर आम्दानी भने घटेको छ । बैंकको गत पुस मसान्तमा १३ रुपैयाँ ९७ पैसा प्रतिशेयर आम्दानी रहेकोमा चालू आवको यसै अवधिमा ७ रुपैयाँ ३१ पैसामा सीमित बनेको हो ।
गत पुसमा रहेको ११ करोड ४७ लाख चुक्ता पूँजीलाई १४७ प्रतिथशतले बढाएर २८ करोड ४२ लाख पुर्याएको बैंकले पूँजी वृद्धिको अनुपातमा खुद नाफा सुधार गर्न नसक्दा इपिएस उच्च घटेको हो ।
खराब कर्जा अनुपात
समीक्षा अवधिमा काबेली विकास बैंक र सहयोगी विकास बैंकको खराब कर्जा अनुपात बढेको छ भने कन्काई विकास बैंकको घटेको छ ।
चालू आर्थिक वर्षको पुस मसान्तमा काबेली विकास बैंकको खराब कर्जा ४.४१ प्रतिशत छ भने सहयोगीको १.६३ प्रतिशत र कन्काईको ०.७६ प्रतिशत रहेको छ ।
निक्षेप संकलन र कर्जा परिचालन
चालू आर्थिक वर्षको ६ महिना अवधिमा तीनवटै विकास बैंकले गत आवको यसै अवधिमाको तुलनामा २५ देखि ३५ प्रतिशतको हाराहारीमा निक्षेप र कर्जा लगानी बढाएका छन् ।
यस अवधिमा सहगोगि विकास बैंकले ४ अर्ब ३४ करोड ६८ लाख निक्षेप संकलन गरि ३ अर्ब ६८ करोड १२ लाख रुपैयाँ कर्जा परिचालन गरेको छ । कन्काई विकास बैंकले पनि ६ महिना अवधिसम्ममा एक अर्ब ९० करोढ ९८ लाख रुपैयाँ निक्षेप संकलन गरि एक अर्ब ८२ करोड ३६ लाख रुपैयाँ कर्जा लगानी गरेको छ ।
यस्तै काबेली विकास बैंकले ८६ करोड ७८ लाख निक्षेप संकलन गरि ७८ करोड ३२ लाख रुपैयाँ कर्जा परिचालन गरेको छ ।
समीक्षा अवधिमा काबेली विकास बैंकको निक्षेप र कर्जा दुबैको वृद्धि प्रतिशत अन्य दुई विकास बैंकको भन्दा धेरै रहेको छ ।
जगेडा कोष
सोमबार वित्तीय विवरण प्रकाशन गरेका तीनमध्ये दुई विकास बैंकहरु काबेली र कन्काईको जगेडा कोषको आकार घटेको छ भने सहयोगी विकास बैंकको मात्र बढेको छ ।
सहगोगी विकास बैंकको जगेडा गत पुसको तुलनामा ७७ प्रतिशतले बढेर २६ करोड ५२ लाख रुपैयाँ पुगेको छ । काबेली विकास बैंकको २८ प्रतिशतले घटेर ४ करोड ११ लाखमा र कन्काईको २६ प्रतिशतले घटेर ६ करोड ८८ लाख रुपैयाँमा झरेको छ ।
नाेट: रकमलाइ हजारमा देखाइएकाे छ ।
