अघिल्लाे वर्षमा पनि कम्पनीले २० प्रतिशत बोनस र कर प्रयोजनका लागि १.०५ प्रतिशत नगद लाभांश वितरण गरेकाे थियाे ।
यसअनुसार लघुवित्तले ५७ लाख ६० हजार रूपैयाँकाे बाेनस शेयर र बोनसमा लाग्ने कर प्रयोजनका लागि ३ लाख ३ हजार १५७ रुपैयाँ नगद लाभांश वितरण गर्नेछ। उक्त लाभांश राष्ट्र बैंकले स्वीकृत प्रदान गरि लघुवित्तको आगामी वार्षिक साधारण सभामाबाट अनुमोदन पश्चात मात्र शेयरधनीले पाउनेछन् ।
लघुवित्तले यस अघिको वार्षिक साधारण सभाबाट शतप्रतिशत हकप्रद जारी गर्ने प्रस्ताव पारित भइ प्रकृयामा रहेकाले उक्त हकप्रदलाई समायोजन गर्दा बोनसदर १० प्रतिशत कायम हुने कम्पनीले स्पष्ट पारेको छ ।
हाल २ करोड ८८ लाख रुपैयाँ चुक्ता पूँजी रहेको यस लघुवित्तको हकप्रद र बोनसपछि ६ करोड ३३ लाख ६० हजार रुपैयाँ चुक्ता पूँजी पुग्नेछ ।
चालु आर्थिक वर्षको पहिलाे त्रैमासमा लघुवित्तले ४७ लाख ३० हजार रुपैयाँ खुद नाफा कमाएर प्रतिशेयर आम्दानी वार्षिक ५७ रुपैयाँ ९७ पैसा कायम गरेको छ।