गत वर्ष पुस मसान्तसम्म इन्स्याेरेन्स कम्पनीले ९३ करोड ३५ लाख रुपैयाँ खुद बीमा शुल्क आर्जन गरेको थियो ।
कम्पनीले लगानी कर्जा तथा अन्य आयवाट ३६ करोड ९६ लाख रुपैयाँ र बीमालेख धितोमा कर्जाबाट ३ करोड १५ लाख रुपैयाँ आम्दानी गरेको छ । कम्पनीले बीमालेख धितोमा ७० करोड ४३ लाख रुपैयाँ कर्जा लगानी गरेको छ ।
समीक्षा अवधिमा इन्स्योरेन्स कम्पनीले ९ करोड ५ लाख खुद नाफा गरेको छ । यो अघिल्लो वर्षको सोही अवधिको तुलनामा २ करोड ४६ लाख रुपैयाँले कम हो । गत वर्ष कम्पनीले ११ करोड ५१ लाख रुपैयाँ खुद नाफा कमाएको थियो ।
कम्पनीको व्यवस्थापन खर्च ४१.९४ प्रतिशतले बढ्दा खुद नाफामा कमी आएको हो । गत वर्ष १४ करोड ७२ लाख रुपैयाँ रहेको कम्पनीको व्यवस्तथापन खर्च यस अवधिमा २० करोड ८९ लाख रुपैयाँ पुगेको हो ।
चुक्ता पूँजी १ अर्ब ७८ लाख रुपैयाँ रहेको कम्पनीको जगेडा कोषमा ९७ करोड ९० लाख, जीवन बीमा कोषमा ७ अर्ब ६८ करोड ९७ लाख र महाबिपत्ती कोषमा ९ करोड ३९ लाख रुपैयाँ संचित छ ।
हालसम्म कम्पनीले १३ अर्ब ४८ करोड ५२ लाख रुपैयाँ कूल बीमा शुल्क आर्जन गरेको छ ।
कम्पनीले १ हजार ६० दाबी बापत कूल २२ करोड ७८ लाख रुपैयाँको दाबी भुक्तानी गरेको छ भने ५५ दाबी बापत १ करोड ९२ लाख रुपैयाँ भुक्तानी हुन बाँकी छ । कम्पनीले हालसम्म १६ लाख ६६ हजार भन्दा बढी बीमालेख जारी गरेको छ ।
कम्पनीको प्रतिसेयर आम्दानी १० रुपैयाँ १४ पैसा, प्रतिशेयर नेटवर्थ १६० रुपैयाँ १२ पैसा र मूल्यआम्दानी अनुपात ४९.२९ गुणा बढी छ ।