जसमध्ये गत आर्थिक बर्षको तुलनामा यस अवधिमा सेन्ट्रल, गोर्खाज, श्री इन्भेष्टमेन्ट एण्ड फाइनान्सको खुद नाफा बढोत्तरी भएको छ भने मञ्जुश्रीको खुद नाफा गिरावट आएको छ ।
गोर्खाज फाईनान्सको खुद नाफा सबैभन्दा धेरै १७१ प्रतिशत बढेको छ भने श्री इन्भेष्टमेन्ट एण्ड फाइनान्सको ६६ प्रतिशत र सेन्ट्रल फाइनान्सको खुद नाफा २४.७३ प्रतिशत बढेको छ। यता मञ्जुश्री फाइनान्सको खुद नाफा भने १७१ प्रतिशतले खस्किएको छ ।
गोर्खाज फाइनान्सको खुद नाफा ६ करोड ९ लाख रुपैयाँ
चालु आर्थिक वर्षको दोस्रो त्रैमासमा गोर्खाज फाईनान्स (GUFL) ले ६ करोड ९ लाख रुपैयाँ खुद नाफा कमाएको छ । गत वर्षको दोस्रो त्रैमासको तुलनामा फाइनान्सको खुद नाफा १७१ प्रतिशत अर्थात् तीन करोड ८४ लाख रुपैयाँले बढोत्तरी भएको हो ।
गत वर्ष यसै अवधिमा फाइनान्सले दुई करोड २४ लाख रुपैयाँ खुद नाफा कमाएको थियो । फाइनान्सको आम्दानीका सूचकहरु खासै सुधारात्मक देखिँदैनन् । यद्यपि खराब कर्जा ९ करोड ६२ लाख रुपैयाँ उठाएपछि फाइनान्सको खुद मुनाफामा उल्लेख्य रुपमा बढोत्तरी भएको हो ।
चुक्ता पूँजी ८६ करोड ७९ लाख रुपैयाँ रहेको फाइनान्सको जगेडा कोषमा ३४ करोड ९४ लाख रुपैयाँ सञ्चित छ । पुस मसान्तसम्ममा ५ अर्ब ९० करोड ३६ लाख रुपैयाँ निक्षेप संकलन गरेको फाईनान्सले ४ अर्ब ८१ करोड ५२ लाख रुपैयाँ कर्जा परिचालन गरेको छ ।
गत वर्षको यसै अवधिको तुलनामा फाइनान्सको खुद ब्याज आम्दानी दुई करोड ३२ लाख रुपैयाँले घटेको छ । चालु आवको पुसमसान्तमा फाइनान्सले ७ करोड ५४ लाख खुद ब्याज आम्दानी गरेको छ । गत वर्षको दोस्रो त्रैमासमा ९ करोड ८७ लाख रुपैयाँ खुद ब्याज आम्दानी गरेको थियो । यस अवधिमा फाइनान्स एक करोड ९२ लाख रुपैयाँ सञ्चालन नोक्सानीमा छ ।
फाइनान्समा निष्कृय कर्जा अनुपात ४.३२ प्रतिशत छ भने प्रतिशेयर आम्दानी १४ रुपैयाँ ०४ पैसा छ र प्रतिशेयर नेटवर्थ १४० रुपैयाँ २६ पैसा छ। जसको मूल्यआम्दानी अनुपात ७.६९ गुणा रहेको छ ।
श्री इन्भेष्टमेन्टले बढायो ६६ प्रतिशतले खुद नाफा
चालु आर्थिक वर्षको दोस्रो त्रैमासमा श्री ईन्भेष्टमेन्ट एण्ड फाइनान्स (SIFC) ले ५ करोड ७६ लाख रुपैयाँ खुद नाफा कमाएको छ । गत वर्षको तुलनामा फाइनान्सको खुद नाफा ६६ प्रतिशत अर्थात दुई करोड २८ लाख रुपैयाँले बढेको हो ।
गत वर्षको यसै अवधिमा फाइनान्सले तीन करोड ४८ लाख रुपैयाँ खुद नाफा आर्जन गरेको थिया । फाइनान्सले खर्चका सूचकहरुलाई सन्तुलनामा राख्दै ब्याज आम्दानी वृद्धि गर्दा फाइनान्सको नाफा बढेको हो ।
चुक्ता पूँजी ८१ करोड रुपैयाँ रहेको फाईनान्सको जगेडा कोषमा २१ करोड ७९ लाख रुपैयाँ सञ्चित छ । फाइनान्सले चालु आवको दोस्रो त्रैमाससम्मा ४ अर्ब ३५ करोड ६२ लाख रुपैयाँ निक्षेप संकलन गरि तीन अर्ब ९८ करोड २५ लाख रुपैयाँ ऋण लगानी गरेको छ ।
समीक्षा अवधिमा फाइनान्सले ११ करोड ८७ लाख रुपैयाँ खुद ब्याज आम्दानी गरेको छ । यो गत वर्षको तुलनामा ४ करोड ६७ लाख रुपैयाँले धेरै हो । फाइनान्सको सञ्चालन नाफा ९ करोड ८ लाख रुपैयाँ छ ।
फाइनान्समा निष्कृय कर्जा अनुपात ०.१९ प्रतिशत छ भने प्रतिशेयर आम्दानी १४ रुपैयाँ २४ पैसा छ । यस्तै प्रतिशेयर नेटवर्थ १२६ रुपैयाँ ९१ पैसा र मूल्यआम्दानी अनुपात ९.३४ गुणा बढी छ ।
सेन्ट्रलको खुद नाफा २५ प्रतिशत माथि
चालु आर्थिक वर्षको दोस्रो त्रैमासमा सेन्ट्रल फाइनान्स (CFCL) ले दुई करोड ८२ लाख रुपैयाँ खुद नाफा आर्जन गरेको छ । गत वर्षको तुलनामा फाइनान्सको खुद नाफा २५ प्रतिशत अर्थात ५५ लाख रुपैयाँले बढेको छ । गत वर्षको दोस्रो त्रैमासमा फाइनान्सले दुई करोड २६ लाख रुपैयाँ खुद नाफा आर्जन गरेको थियो ।
चुक्ता पूँजी ८२ करोड ३३ लाख रुपैयाँ रहेको फाइनान्सको जगेडा कोषमा १८ करोड ७२ लाख रुपैयाँ सञ्चित छ । समीक्षा अवधिसम्ममा तीन अर्ब १२ करोड ३५ लाख रुपैयाँ निक्षेप संकलन गरेको फाइनान्सले दुई अर्ब ९५ करोड ४० लाख रुपैयाँ कर्जा परिचालन गरेको छ ।
यस त्रैमासमा फाइनान्सले ७ करोड ३६ लाख रुपैयाँ खुद ब्याज आम्दानी गरेको छ । गत वर्षको तुलनामा फाइनान्सको खुद ब्याज आम्दानी ५४ प्रतिशत अर्थात दुई करोड ५७ लाख रुपैयाँले बढेको हो । गत वर्ष यसैअवधिमा फाइनान्सले ४ करोड ७८ लाख रुपैयाँ खुद ब्याज आम्दानी गरेको थियो ।
फाइनान्समा खराब कर्जा अनुपात १.४९ प्रतिशत र प्रतिशेयर आम्दानी ६ रुपैयाँ ८६ पैसा छ । यस्तै प्रतिशेयर नेटवर्थ १२२.७४ पैसा तथा मूल्य आम्दानी अनुपात १६.६१ गुणा छ ।
मञ्जुश्री फाइनान्सको नाफा ३ करोड घट्यो
चालु आर्थिक वर्षको दोस्रो त्रैमासमा मञ्जुश्री फाईनान्स (MFIL) ले एक करोड ७ लाख रुपैयाँ मात्र खुद नाफा आर्जन गरेको छ । गत वर्षको तुलनामा फाईनान्सको खुद नाफा ७४.०५ प्रतिशत अर्थात तीन करोड ६ लाख रुपैयाँले घटेको हो ।
गत वर्षको यसै अवधिमा फाईनान्सले ४ करोड १४ लाख रुपैयाँ खुद नाफा आर्जन गरेको थियो । कर्मचारी खर्च र सम्भावित जोखिम व्यवस्थापन गर्दा फाइनान्सको नाफा संकुचित भएको हो । फाइनान्सको वार्षिक प्रतिशेयर आम्दानी दुई रुपैयाँ ६७ पैसा मात्र छ ।
८० करोड ४० लाख रुपैयाँ चुक्ता पूँजी भएको फाईनान्सको जगेडा कोषमा ११ करोड ६८ लाख रुपैयाँ सञ्चित छ । पुस मासन्तसम्ममा ६ अर्ब ४० करोड ८६ लाख रुपैयाँ निक्षेप संकलन गरेको फाईनान्सले ५ अर्ब ६८ करोड ११ लाख रुपैयाँ कर्जा लगानी गरेको छ ।
समीक्षा अवधिमा फाईनान्सले ११ करोड १७ लाख रुपैयाँ ब्याज आम्दानी गरेको छ । यो गतबर्षको तुलनामा फाईनान्सको खुद ब्याज आम्दानी ५० प्रतिशत अर्थात तीन करोड ७१ लाख रुपैयाँले वृद्धि भएको हो ।
खराब कर्जा अनुपात ३.१० प्रतिशत रहेको फाइनान्सको प्रतिशेयर नेटवर्थ ११४ रुपैयाँ ५३ पैसा र मूल्य आम्दानी अनुपात ४३.०७ गुणा बढी रहेको छ ।