समीक्षा अवधिमा ४२.७५ प्रतिशत बोनस र ५० प्रतिशत हकप्रदबाट ४ करोड ७६ लाख चुक्ता पूँजीबाट १२६ प्रतिशत पूँजी बढाएर १० करोड ७९ लाख १९ हजार रुपैयाँ कायम गरेको छ ।
लघुवित्तको जगेडा कोषको आकार ६ करोड ५५ लाख रुपैयाँको रहेको छ । यस अवधिमा कम्पनीले २ करोड २० लाख रुपैयाँले जगेडा कोष बढाएको हो ।
पुस मसान्तसम्ममा ४८ करोड १६ लाख रुपैयाँ निक्षेप संकलन गरेको लघुवित्तले ६६ करोड ७७ लाख रुपैयाँ बैंक तथा वित्तीय संस्थाबाट ऋण सापटी गरेर एक अर्ब १० करोड ८ लाख रुपैयाँ कर्जा लगानी गरेको छ ।
समीक्षा अवधिमा लघुवित्तले ४ करोड ८६ लाख रुपैयाँ खुद ब्याज आम्दानी गरेको छ । यो गत वर्ष यसै अवधिको तुलनामा ५९.३३ प्रतिशत अर्थात एक करोड ८१ लाख रुपैयाँले धेरै हो । पुस मसान्तमा लघुवित्तले गत आवगको यसै अवधिको तुलनामा ३८.८८ प्रतिशत धेरै दुई करोड २१ लाख रुपैयाँ सञ्चालन मुनाफा गरेको छ ।
हाल लघुवित्तमा निष्कृय कर्जा अनुपात १.०९ प्रतिशतमा घटेको छ । उच्च पूँजी वृद्धिको चापले लघुवित्तको प्रतिशेयर आम्दानी भने ४२ रुपैयाँ ७१ पैसाबाट १२ रूपैयाँ ३६ पैसा घटेर ३० रुपैयाँ ३५ पैसामा झरेको छ ।
यस अवधिमा लघुवित्तको प्रतिशेयर नेटवर्थ १६० रुपैयाँ ७४ पैसा र मूल्य आम्दानी अनुपात ३३.१४ गुणाले बढी छ ।
