नेपाल फाइनान्सिङ रिर्पो्टिङ्ग स्टाण्डर्ड (एनएफआरएस) अनुसार आइतबार प्रकाशित दोस्रो त्रैमासमा बैंकले ९३ करोड ४२ लाख रुपैयाँ लाभांश क्षमता बनाएको छ । बैंकका अधिकांश सूचकहरुमा उत्साहप्रद सुधार देखिएको छ ।
चुक्तापूँजी २७ प्रतिशतले बढाएको बैंकको जगेडाकोष, निक्षेप संकलन तथा कर्जा विस्तार देखिएको छ । बैंकले ब्याज आम्दानीसँगै संचालन नाफा पनि उल्लेखिय रुपमा बढाएको छ । तर बैंकको खराब कर्जाको अनुपात भने केहि बढेको छ ।
आठ अर्ब तीन करोड रुपैयाँ चुक्ता पूँजी रहेको बैंकको जगेडा कोषमा चार अर्ब २२ करोड सञ्चित रहेको छ । यस अवधिमा बैंकले ७६ अर्ब ७२ करोड निक्षेप संकलन गरेको छ भने ७२ अर्ब ६० करोड कर्जा प्रवाह गरेको छ ।
बैंकको खुद ब्याज आम्दानी ५२ प्रतिशतले सुधारिएको छ । बैंकले एक अर्ब ७७ करोड खुद ब्याज आम्दानी गरेको छ । कोषको लागत बढ्न नदिँदा बैंकको खुद ब्याज आम्दानीमा उत्साहजनक सुधार आएको हो ।
बैंकको खराब कर्जा १.५८ प्रतिशत छ । गतबर्षको दोस्रो त्रैमासमा यस्तो अनुपात १.४३ प्रतिशत थियो । बैंकले प्रतिशेयर आम्दानी २६ रुपैयाँ ४१ पैसा कायम गरेको छ ।
बैंकको प्रतिसेयर नेटवर्थ १५२ रुपैयाँ ५५ पैसा, कोषको लागत ८.२९ प्रतिशत र आधार ब्याजदर १०.१७ र पूँजी कोष अनुपात १२.६८ प्रतिशत रहेको छ । बैंकलाई पूँजी कोष अनुपातमा भने सुधार आवश्यक देखिन्छ ।
नोट:रकमलाई हजारमा देखाइएको छ ।
