हाइड्रोको विद्युत विक्री मार्फतको आम्दानी भने ७ लाख ९ हजार अर्थात् २.१५ प्रतिशतले घटेको छ । गत वर्ष विद्युत बेचेर ३ करोड २९ लाख आम्दानी गरेको हाइड्रोले चालु आर्थिक वर्षको दोस्रो त्रैमासमा विद्युत बेचेर ३ करोड २२ लाख रुपैयाँ मात्र आम्दानी गरेको छ ।
विद्युत विक्री घटेपनि सञ्चालन खर्च र प्रशासनिक खर्चमा व्यवस्थापन गरेकाले हाइड्रोको नाफामा सुधार देखिएको हो । यस अवधिमा हाइड्रोले सञ्चालन खर्च २० लाख ९९ हजार रुपैयाँबाट १६ लाख ६३ हजारमा र प्रशासनिक खर्च ४३ लाख ७१ हजारबाट ३५ लाख ४० हजामा व्यवस्थापन गरेको छ ।
त्यस्तै वित्तिय खर्च एक करोड ४२ लाखबाट एक करोड २४ लाखमा झारेको छ भने ह्रासकट्टी ४७ लाख १८ हजारबाट ४४ लाख ६० हजारमा झारेको छ ।
२७ करोडको चुक्ता पूँजी स्थिर राखेको हाइड्रोले जगेडा कोषमा ११५.३१ प्रतिशतले सुधार गर्दै एक करोड ७१ लाख रुपैयाँ सञ्चित गरेको छ ।
प्रतिशेयर आम्दानी ३ रुपैयाँ ७८ पैसा रहेको हाइड्रोको प्रतिशेयर नेटवर्थ १०६ रुपैयाँ ३७ पैसा र मूल्य आम्दानी अनुपात २६.७३ गुणा बढी छ ।
