गत आर्थिक वर्षको यसै अवधिमा ४ करोड ६ लाख रुपैयाँ खुद नाफा कमाएको कम्पनीले अहिले १ करोड ७४ लाख रुपैयाँ मात्रै खुद नाफा कमाएको हो ।
कम्पनीले पुर्नबीमा कमिशन आयबाट २ करोड ४९ लाख रुपैयाँ, लगानी कर्जा तथा अन्य आयबाट १ करोड ५४ लाख रुपैयाँ आम्दानी गरेको छ ।
इन्स्योरेन्स कम्पनीले ९०९ वटा दाबी वापत १४ करोड २८ लाख कुल दाबी भुक्तानी गरेको छ भने १ हजार ६९० वटा दाबी वापत २२ करोड ७६ लाख रुपैयाँ भुक्तानी हुन बाँकी देखिन्छ ।
गत वर्षको यसै अवधिमा चार करोड ९० लाख रुपैयाँले ऋणात्मक रहेको जगेडा कोषलाई भने सुधार गर्दै युनाइटेडले अहिले ४ करोड ४० लाख रुपैयाँ सञ्चित गरेको छ । यस्तै बीमा कोषमा ३० करोड ६८ लाख, महाविपत्ती कोषमा ८३ लाख ४३ हजार रुपैयाँ सञ्चित छ ।
चालु आर्थिक वर्षको पुस मसान्त सम्ममा कम्पनीले १५ करोड ५७ लाख रुपैयाँ खुद बीमा शुल्क आर्जन गरेको छ । जुन गत बर्षको तुलनामा १ करोड ८० लाख रुपैयाँले कम हो । गत वर्षको यसै अवधिमा कम्पनीले १७ करोड ३७ लाख रुपैयाँ खुद बीमा शुल्क आर्जन गरेको थियो ।
त्यस्तै कूल बीमा शूल्क गत आर्थिक वर्षको यसै अवधिको तुलनामा ३ करोड ७३ लाख रुपैयाँ घटेर २३ करोड २४ लाख रुपैयाँमा सीमित भएको छ । कम्पनीको कुल जारी बीमालेख २६ हजार ६१२ वटा छन् ।
कम्पनीको प्रतिशेयर आम्दानी ५ रुपैयाँ ७६ पैसा, प्रतिशेयर नेटवर्थ २१८ रुपैयाँ ८१ पैसा र मुल्य आम्दानी अनुपात १३८.९९ गुणा बढी छ ।