गत वर्षको दोस्रो त्रैमासमा कम्पनीले १ अर्ब ४५ करोड ८५ लाख रुपैयाँ खद बीमा शूल्क आर्जन गरेको थियो ।
यस अवधिमा कम्पनीले पुर्नबीमा कमिशनबाट १ करोड ४६ लाख रुपैयाँ, लगानी, कर्जा तथा अन्य आयबाट ९६ करोड ४५ लाख रुपैयाँ आम्दानी गरेको छ । त्यस्तै बीमालेख धितोमा ३ अर्ब १ करोड २२ लाख रुपैयाँ कर्जा लगानी गरेर ११ करोड ३६ लाख रुपैयाँ आम्दानी गरेको छ ।
इन्स्योरेन्सको खुद नाफा भने १७ करोड ११ लाख रुपैयाँ रहेको वित्तीय विबरणमा उल्लेख छ । कम्पनीको यो नाफा गतवर्षको यहि अवधिको तुलनामा करिब ३ लाख ६७ हजार रुपैयाँले बढी हो । गत वर्षको दोस्रो त्रैमासमा कम्पनीले १७ करोड ८ लाख रुपैयाँ खुद नाफा कमाएको थियो । बिमांकीय मुल्यांकन नगरी जीवन बीमा कम्पनीले गरेको खुद नाफालाई आधार मान्न सक्ने अवस्था रहन्न । तसर्थ यो खुद नाफामा परिवर्तन आउन सक्छ ।
चुक्ता पूँजी २ अर्ब ६४ करोड रुपैयाँ रहेको कम्पनीले जगेडाकोषमा ९५ करोड ५१ लाख रुपैयाँ, जीवन बीमा कोषमा २३ अर्ब ७१ करोड ४८ लाख रुपैयाँ र महाविपत्ती कोषमा १७ करोड ९१ लाख रुपैयाँ सञ्चित छ ।
हाल सम्म कम्पनीले ७ लाख १४३ वटा बीमालेखबाट ३ अर्ब ८ करोड ३० लाख रुपैयाँ कुल बीमा शुल्क संकलन गरेको छ ।
कम्पनीले कुल १० हजार ८०३ वटा दाबीका लागि एक अर्ब २६ करोड २१ लाख रुपैयाँ कुल भुक्तानी गरेको छ भने २४ करोड ८२ लाख रुपैयाँ बराबरको दाबी भुक्तानी गर्न बाँकी छ ।
यस अवधिमा कम्पनीको प्रतिशेयर आम्दानी वार्षिक १२ रुपैयाँ ९२ पैसा, प्रतिशेयर नेटवर्थ १३६ रुपैयाँ ०३ पैसा र मुल्य आम्दानी अनुपात ५४.८७ गुणा बढी छ ।