गत आर्थिक वर्षको दोस्रो त्रैमाससम्ममा कम्पनीले ६ करोड २८ लाख रुपैयाँँ खुद मुनाफा कमाएको थियो ।
कम्पनीले यस अबधिमा २५ करोड १ लाख रुपैयाँ खुद बीमा शुल्क आर्जन गरेको छ । जुन गत वर्षको यसै अवधिको तुलनामा ९९ लाख ९० हजार रुपैयाँले बढी हो। गत वर्षको यस अवधिमा कम्पनीले २४ करोड १ लाख रुपैयाँ खुद बीमा शुल्क आर्जन गरेको थियो।
इन्स्योरेन्सले यस अवधिमा पुर्नबीमा कमिशन वापत १० करोड ९ लाख रुपैयाँ र लगानी कर्जा तथा अन्य आयबाट २ करोड ५० लााख रुपैयाँ आम्दानी गरेको छ।
चुक्ता पूँजी ६४ करोड १५ लाख रुपैयाँ रहेको कम्पनीको चालू आर्थिक वर्षको दोस्रो त्रैमासमा वार्षिक प्रतिशेयर आम्दानी २१ रुपैयाँ ३२ पैसा छ । गत आवको पुस मसान्तमा कम्पनीको इपिएस २९ रुपैयाँ ३९ पैसा रहेको थियो।
पूँजी वृद्धि र नाफा वृद्धिको अन्तर बढ्दा इपिएस घटेको हो । यस अवधिमा कम्पनीको प्रतिशेयर नेटवर्थ २०१ रुपैयाँ ४७ पैसा र मुल्य आम्दानीको अनुपात ३२.३६ गुणा बढी छ ।
यस्तै कम्पनीले जगेडा कोष १६ करोड ६५ लाखबाट २१ करोड ११ लाखमा र बीमा कोष ३८ करोड ५७ लाखबाट ४३ करोड ९८ लाख रुपैयाँमा बढेको छ ।
यस अवधिमा कम्पनीले ६४ करोड ८८ लाख रुपैयाँ कुल बीमा शूल्क आर्जन गरेको छ भने हालसम्म ६७ हजार २१७ वटा बीमालेखहरु जारी गरेकाे छ।
कम्पनीले २ हजार ४७३ दाबी वापत ३५ करोड १२ लाख रुपैयाँ कूल भुक्तानी गरेको छ । यस्तै ३ हजार २९० दाबी वापत ८४ करोड ६४ लाख रुपैयाँ दाबी भुक्तानी गर्न बाँकी छ ।
