सिद्धार्थ इन्स्योरेन्सले चालु आर्थिक वर्षको दोस्रो त्रैमासमा ८ करोड ९८ लाख रुपैयाँ खुद नाफा गरेको छ । यो गत आर्थिक वर्षको यहि अवधिको तुलनामा २० लाख रुपैयाँले बढी हो । गत वर्ष ८ करोड ७८ लाख रुपैयाँ खुद नाफा गरेको थियो ।
गत आर्थिक वर्षको दोस्रो त्रैमासमा ४४ करोड ९५ लाख रुपैयाँ खुद बीमा शुल्क आर्जन गरेको कम्पनीले यस अवधिमा भने ६८ लाख ६१ हजार रुपैयाँले खुद बीमा शुल्क घटेको छ । समिक्षा अवधिमा कम्पनीले ४४ करोड २७ लाख रुपैयाँ खुद बीमा शुल्क आर्जन गरेको छ ।
कम्पनीले पुर्नबीमा कमिशन वापत १३ करोड २८ लाख रुपैयाँ, लगानी कर्जा तथा अन्य आयवाट ४ करोड ३५ लाख रुपैयाँ आम्दानी गरेको छ ।
चुक्ता पूँजी ८६ करोड ५९ लाख रुपैयाँ रहेको कम्पनीले जगेडा कोषमा २३ करोड १४ लाख रुपैयाँ, बीमा कोषमा ५९ करोड ९३ लाख रुपैयाँ र महाविपत्ती कोषमा ७ करोड २२ लाख रुपैयाँ संचित छ ।
कम्पनीले हाल सम्म ५५ हजार ५ वटा बीमालेख जारी गरी ९२ करोड १३ लाख रुपैयाँ कुल बीमा शुल्क संकलन गरेको छ । यस अवधिमा १७ हजार ९५१ वटा बीमालेख नवीकरण भएको छ ।
कुल ३ हजार १६९ दाबी वापत कम्पनीले ५२ करोड ४९ लाख रुपैयाँ भुक्तानी गरेको छ भने २ हजार ८४४ दाबी वापत ५८ करोड ५६ लाख रुपैयाँ भुक्तानी गर्न बाँकी छ ।
कम्पनीको प्रतिशेयर आम्दनानी २० रुपैयाँ ७४ पैसा भएको देखिन्छ ।
(स्पष्टिकरण: सिद्धार्थ इन्स्योरेन्स कम्पनीले दोस्रो त्रैमासिक वित्तीय विवरणसँगै वित्तीय विश्लेषण पनि सोही पत्रिकामा प्रकाशन गरेको दाबी गरेको छ। कम्पनीको वित्तीय विवरण फरक-फरक पृष्ठमा प्रकाशन भएको कम्पनीले जनाएको छ।)