धितोपत्रको दोस्रो बजारमा बैंकको साधारण प्रतिकित्ता १७१ रुपैयाँ र संस्थापक शेयर ११३ रुपैयाँमा अन्तिम पटक कारोबार भएको छ ।
बैंकले यसअघिका चार पटक हकप्रदमा अवितरित संस्थापक शेयर लिलामी बिक्री खुल्ला गर्दा पनि बिक्री हुन नसकेपछि पाँचौं पटक शेयर लिलमाी खुल्ला गरेको थियो ।
यस बैंकको लिलामी शेयर खरिद गर्न इच्छुक लगानीकर्ताले बिक्री प्रबन्धक भिबोर क्यापिटल ट्रेड टावर थापाथलीबाट बोलपत्र आवेदन फारम बुझाउन सक्नेछन्। लगानीकर्ताले यसमा न्यूनतम १०० कित्तादेखि अधिकतम सम्पूर्ण कित्ताका लागि आवेदन दिन सकिन्छ ।
चुक्ता पुँजी २ अर्ब १७ करोड ९ लाख रुपैयाँ रहेको बैंकले चालु आर्थिक वर्षको दोस्रो त्रैमासमा २३ करोड ४६ लाख रुपैयाँ खुद नाफा आजर्न गरेको छ । बैंकको प्रतिशेयर आम्दानी २१ रुपैयाँ ५७ पैसा छ ।
बैंकले २०७४ माघ ११ देखि फागुन २३ गतेसम्म चुक्ता पूँजीको दश प्रतिशत (२० लाख ८ हजार ८७८ कित्ता) हकप्रद शेयर बिक्री गरेको. थियो । सो हकप्रदमा अवितरित संस्थापक शेयरमा लिलामी आह्वान गरेको हो ।